Ang mga sinugo midali pag-adto sumala sa sugo sa hari ug ang usa ka sugo gimantala didto sa Susa nga mao ang ulohang siyudad. Ug ang hari ug si Haman milingkod aron sa pag-inom apan ang siyudad sa Susa nagubot.
Kon ako nakakaplag ug kahimuot diha sa panan-aw sa hari ug kon ikalipay sa hari ang paghatag sa akong gihangyo, ug ang pagtuman sa akong gipangayo, paadtoa ang hari ug si Haman sa kombira nga akong giandam alang kanila ug akong buhaton ugma ang gisulti sa hari.”
Sa ikaduhang adlaw, samtang nag-inom sila ug bino, ang hari miingon pag-usab kang Ester, “Unsay imong hangyo, Rayna Ester? Ihatag kini kanimo. Ug unsa man ang imong pangayoon? Bisan ang katunga sa akong gingharian, kini matuman.”
