Ester 6:12

Ang Biblia 2011

Unya si Mardoqueo mibalik ngadto sa ganghaan sa hari. Apan si Haman midali pag-adto sa iyang balay, masulob-on ug ang iyang ulo tinabonan.

Cross References

2 Samuel 15:30

Unya si David mitungas sa tungasan sa Bukid sa mga Olibo, ug naghilak samtang nagtungas siya, nagtabon sa iyang ulo ug nagtiniil. Ug ang tanang katawhan nga didto uban kaniya nagtabon usab sa ilang ulo, ug nanungas nga naghilak usab.

2 Samuel 17:23

Sa diha nga si Ahitofel nakakita nga ang iyang tambag wala tumana, gimontorahan niya ang iyang asno ug mipauli siya sa iyang kaugalingong siyudad. Ug gihusay niya ang iyang panimalay ug nagbitay sa iyang kaugalingon ug siya namatay ug gilubong sa lubnganan sa iyang amahan.

1 Mga Hari 20:43

Ug ang hari sa Israel miuli sa iyang balay, masulob-on ug wala mahimuot, ug miadto sa Samaria.

1 Mga Hari 21:4

Si Ahab mipauli sa iyang balay nga masulub-on ug wala mahimuot tungod sa pulong nga gisulti kaniya ni Nabot nga Jesreelhanon kay siya miingon, “Dili nako ihatag kanimo ang panulundon sa akong mga katigulangan.” Ug siya mihigda sa iyang higdaanan ug gilingiw ang iyang nawong ug wala mokaon.

1 Mga Hari 21:6

Ug siya miingon kaniya, “Tungod kay nakigsulti ako kang Nabot nga Jesreelhanon ug miingon kaniya, ‘Ibaligya kanako ang imong parasan o kondili, kon kini maayo alang kanimo, hatagan ikaw nako ug laing parasan ilis niini.’ Ug siya mitubag, ‘Dili nako ihatag kanimo ang akong parasan.’ ”

2 Cronicas 26:20

Ug si Asarias nga pangulong pari ug ang tanang mga pari mitan-aw kaniya, ug ilang nakita nga siya may sanla diha sa iyang agtang. Gipagula dayon nila siya gikan didto ug midali siya paggula tungod kay ang Ginoo naghampak kaniya.

Ester 2:19

Sa natigom na ang mga ulay sa ikaduhang panahon, si Mardoqueo naglingkod sa ganghaan sa hari.

Ester 6:11

Busa gikuha ni Haman ang mga bisti ug ang kabayo ug gibistihan si Mardoqueo ug gipakabayo siya agi sa hawanan sa siyudad ug nagmantala, “Mao kini ang buhaton ngadto sa tawo nga gikahimut-an sa hari pagpasidungog.”

Ester 7:8

Unya ang hari mibalik gikan sa tanaman sa balay sa hari ngadto sa dapit diin sila nag-inom sa bino samtang si Haman nag-akbo sa sopa diin didto sa Ester. Unya miingon ang hari, “Iya ba diayng panamastamasan ang rayna sa akong atubangan, dinhi sa akong kaugalingong balay?” Samtang ang mga pulong migula sa baba sa hari, ilang gitabonan ang nawong ni Haman.

Job 20:5

nga ang paghimaya sa tawong daotan mubo ra, ug ang kalipay sa walay Dios usa lamang ka gutlo?

Job 9:24

Ang kalibotan gitugyan ngadto sa kamot sa daotan; siya nagtabon sa mga nawong sa mga maghuhukom niini, kon siya dili mao, kinsa man diay?

1 Samuel 3:15

Si Samuel mihigda hangtod sa buntag. Unya giablihan niya ang mga pultahan sa balay sa Ginoo. Si Samuel nahadlok sa pagsugilon kang Eli sa panan-awon.