Ester 6:11

Ang Biblia 2011

Busa gikuha ni Haman ang mga bisti ug ang kabayo ug gibistihan si Mardoqueo ug gipakabayo siya agi sa hawanan sa siyudad ug nagmantala, “Mao kini ang buhaton ngadto sa tawo nga gikahimut-an sa hari pagpasidungog.”

Cross References

Esdras 6:13

Unya sumala sa pulong nga gipadala ni Dario nga hari, si Tatenai nga gobernador sa lalawigan tabok sa Suba, si Setarbosenai ug ang ilang mga kaubanan nagbuhat uban sa tibuok nga pagpaningkamot sa gisugo ni Dario nga hari.

Ester 6:10

Unya ang hari miingon kang Haman, “Pagdali, kuhaa ang mga bisti ug ang kabayo, sumala sa imong giingon, ug buhata ang ingon ngadto kang Mardoqueo nga Judio nga naglingkod sa ganghaan sa hari. Ayaw bilini ug bisan unsa ang imong gisulti.”

Ester 6:12

Unya si Mardoqueo mibalik ngadto sa ganghaan sa hari. Apan si Haman midali pag-adto sa iyang balay, masulob-on ug ang iyang ulo tinabonan.

Ester 8:15

Unya si Mardoqueo migula gikan sa atubangan sa hari diha sa harianong bisti nga asul ug puti, uban sa usa ka dakong korona nga bulawan ug usa ka kupo nga pinong lino ug mahalong panapton nga tapol samtang ang siyudad sa Susa nagsinggit ug naglipay.

Ester 9:3

Ang tanang mga pangulo sa mga lalawigan, ug ang mga tinugyanan ug ang mga gobernador, ug ang mga tinugyanan sa hari mitabang sa mga Judio tungod kay ang pagkahadlok kang Mardoqueo miabot kanila.

Mga Panultihon 27:18

Siya nga mag-atiman ug kahoyng igera magkaon sa bunga niini, ug siya nga magbantay sa iyang agalon pasidunggan.

Isaias 60:14

Ang mga anak nga lalaki niadtong nagsakit kanimo manganhi nga magyukbo kanimo; ug silang tanan nga nagbiaybiay kanimo mangyukbo diha sa imong tiilan; ikaw tawgon nila nga Siyudad sa Ginoo, ang Zion sa Balaan sa Israel.

Lucas 1:52

Iyang gipakanaog ang mga gamhanan gikan sa ilang mga trono, ug iyang gituboy ang mga ubos ug kahimtang,

Gipadayag 3:9

Tan-awa, sila nga mga iya sa sinagoga ni Satanas, nga nag-ingon nga sila mga Judio apan dili diay, hinuon namakak, tan-awa, kini sila paanhaon nako ug pahapaon diha sa imong tiilan, ug pailhon nako sila nga ikaw akong gihigugma.