Ester 6:1

Ang Biblia 2011

Niadtong gabhiona wala makatulog ang hari ug siya nagsugo nga ipadala ang basahon sa mga halandomong buhat, ang mga kasaysayan ug gibasa sa atubangan sa hari.

Cross References

Genesis 22:14

Busa ginganlan ni Abraham kadtong dapita nga “Ang Ginoo mag-andam”, ingon nga kini gisulti hangtod karon, “Sa bungtod sa Ginoo kini ihatag.”

Ester 10:2

Ug ang tanang mga buhat sa iyang gahom ug sa iyang pagkagamhanan, ug ang tanang kasaysayan sa pagkadungganan ni Mardoqueo, diin ang hari nagpauswag kaniya, wala ba kini masulat sa basahon sa mga Kasaysayan sa mga hari sa Media ug Persia?

Ester 2:21

Niadtong mga adlawa, samtang naglingkod si Mardoqueo sa ganghaan sa hari, si Bigtan ug si Teres, duha sa mga yunoko sa hari nga nagbantay sa tugkaran, nangasuko ug nagtinguha sa pagpatay kang Hari Ahasuero.

Ester 2:22

Ug kini miabot sa pagkahibalo ni Mardoqueo ug gisugilon niya kini kang Rayna Ester ug gisuginlan ni Ester ang hari pinaagi sa ngalan ni Mardoqueo.

Ester 2:23

Sa dihang gihimo ang pagsusi sa maong butang, ug nakita nga kini matuod, silang duha gipamitay sa kahoy ug kini gisulat diha sa basahon sa mga Kasaysayan sa atubangan sa hari.

Ester 5:8

Kon ako nakakaplag ug kahimuot diha sa panan-aw sa hari ug kon ikalipay sa hari ang paghatag sa akong gihangyo, ug ang pagtuman sa akong gipangayo, paadtoa ang hari ug si Haman sa kombira nga akong giandam alang kanila ug akong buhaton ugma ang gisulti sa hari.”

Isaias 41:17

Sa diha nga ang kabos ug nanginahanglan mangita ug tubig, ug walay tubig, ug ang ilang dila maughan tungod sa kauhaw, ako, ang Ginoo, magtubag kanila, ako, ang Dios sa Israel, dili motalikod kanila.

Daniel 2:1

Sa ikaduha nga tuig sa paghari ni Nabucodonosor, siya nagdamgo ug ang iyang espiritu nasamok ug dili na siya makatulog.

Daniel 6:18

Unya ang hari miadto sa iyang palasyo, ug nagpuasa sa tibuok nga gabii, walay mga paglingaw nga gidala kaniya ug ang katulogon mibiya kaniya.

Malaquias 3:16

Unya ang may kahadlok sa Ginoo nagsulti sa usa ug usa. Ang Ginoo mitagad ug namati kanila, ug ang usa ka basahon sa handomanan gisulat sa atubangan niya alang kanila nga may kahadlok sa Ginoo ug nga nagtahod sa iyang ngalan.

Roma 11:33

O, pagkalalom sa kadagaya ug sa kaalam ug kahibalo sa Dios! Pagkadili matugkad sa iyang mga hukom ug pagkadili matukib sa iyang mga paagi!