Ester 5:14

Ang Biblia 2011

Unya si Zeres nga iyang asawa ug ang tanan niyang mga higala miingon kaniya, “Ipabuhat ang usa ka bitayan nga 50 ka maniko ang gihabogon, ug sa pagkabuntag sultihi ang hari nga ipabitay si Mardoqueo niini; unya lakaw nga malipayon uban sa hari ngadto sa kombira.” Kining tambaga nakapahimuot kang Haman ug iyang gipabuhat ang bitayan.

Cross References

2 Samuel 16:21

Si Ahitofel miingon kang Absalom, “Sudla ngadto ang mga puyopuyo sa imong amahan nga iyang gibilin aron sa pagbantay sa balay, ug ang tibuok Israel makadungog nga ikaw gidumtan sa imong amahan, unya malig-on ang mga kamot sa tanan nga kauban nimo.”

1 Mga Hari 21:25

Apan walay sama kang Ahab nga nagbaligya sa iyang kaugalingon sa pagbuhat ug daotan diha sa panan-aw sa Ginoo, nga gihulhogan ni Jesebel nga iyang asawa.

1 Mga Hari 21:7

Ug si Jesebel nga iyang asawa miingon kaniya, “Nagdumala ba ikaw karon sa gingharian sa Israel? Tindog, kaon ug pan ug lipaya ang imong kasingkasing. Akong ihatag kanimo ang parasan ni Nabot nga Jesreelhanon.”

Ester 6:4

Ug ang hari miingon, “Kinsa ang anaa sa hawanan?” Karon si Haman mao pa gayoy pagsulod sa gawas nga hawanan sa palasyo sa hari aron sa pagsulti sa hari mahitungod sa pagpabitay kang Mardoqueo sa bitayan nga iyang giandam alang kaniya.

Salmo 37:14

Ang mga daotan naglanit sa espada ug nagbingat sa ilang pana aron sa pagpukan sa kabos ug sa nanginahanglan, sa pagpatay niadtong naglakaw sa katarong;

Salmo 37:32

Ang daotan magbantay sa mga matarong ug magtinguha sa pagpatay kaniya.

Salmo 9:15

Ang mga nasod nangahulog sa gahong nga ilang gibuhat; sa pukot nga ilang gitagoan, nagapos ang ilang kaugalingong tiil.

Mga Panultihon 1:18

apan kining mga tawhana nangatang sa ilang kaugalingong dugo; sila nangatang sa ilang kaugalingong kinabuhi.

Mga Panultihon 4:16

Kay sila dili makatulog gawas kon sila makabuhat ug daotan; ang ilang pagkatulog mawala gawas kon sila makapapandol sa uban.

Roma 1:32

Kini sila, bisan nasayod sa balaod sa Dios nga ang naghimo niining maong mga butang angay nga patyon, wala lamang maghimo niini kondili miuyon usab kanila nga nagbuhat niini.

Roma 3:15

“Ang ilang mga tiil abtik sa pagpaagas ug dugo,

Gipadayag 11:10

Ug sila nga nagpuyo sa yuta maglipay tungod kanila ug magsadya ug maghatagay ug mga gasa, tungod kay kining duha ka propeta nakahatag man ug kasakit ngadto sa mga nagpuyo sa kalibotan.