Ester 5:13

Ang Biblia 2011

Apan kining tanan wala makabuhat ug maayo kanako samtang makita pa nako si Mardoqueo nga Judio nga naglingkod sa ganghaan sa hari.”

Cross References

Esdras 2:2

Miabot sila uban kang Zerubabel, kang Jesua, kang Nehemias, kang Seraias, kang Reelias, kang Mardoqueo, kang Bilsan, kang Mispar, kang Bigvai, kang Rehum ug kang Baana. Ang gidaghanon sa mga lalaki sa katawhan sa Israel:

Ester 5:9

Unya miadto si Haman niadtong adlawa nga malipayon ug maya sa kasingkasing apan sa dihang nakita ni Haman si Mardoqueo diha sa ganghaan sa hari, nga siya wala motindog o mokurog sa iyang atubangan, siya napuno sa kaligutgot batok kang Mardoqueo.

Job 15:20

Ang tawong daotan mag-antos sa kasakit sa tanan niyang mga adlaw, sa tanang katuigan nga giandam alang sa walay kaluoy.

Job 18:4

Ikaw nga nagkuniskunis sa imong kaugalingon diha sa imong kapungot, biyaan ba ang kalibotan tungod kanimo, balhinon ba ang bato gikan sa nahimutangan niini?

Salmo 37:12

Naglaraw ang daotan batok sa matarong, ug nagkagot ang iyang mga ngipon tungod kaniya;

Ecclesiastes 1:14

Nakita nako ang tanang mga nabuhat ilalom sa adlaw; ug tan-awa, ang tanan kakawangan ug usa lamang ka paggukod sa hangin.

Ecclesiastes 1:2

Kakawangan sa mga kakawangan, nag-ingon ang Magwawali, kakawangan sa mga kakawangan! Ang tanan kakawangan.