Ester 4:5

Ang Biblia 2011

Unya gitawag ni Ester si Hatac, nga usa sa mga yunoko sa hari, nga gitudlo sa pag-alagad kaniya, ug gisugo kini sa pag-adto kang Mardoqueo aron siya mahibalo kon unsa kini ug ngano kini.

Cross References

Ester 1:10

Sa ikapito nga adlaw, sa nagmalipayon ang kasingkasing sa hari tungod sa bino, iyang gisugo si Mehuman, si Bista, si Harbona, si Bigta, si Abagta, si Zetar ug si Carkas, ang pito ka yunoko nga nag-alagad sa atubangan ni Hari Ahasuero,

Ester 1:12

Apan si Rayna Vasti nagdumili sa pag-adto sumala sa sugo sa hari nga gidala sa mga yunoko. Tungod niini ang hari nasuko pag-ayo ug ang iyang kasuko misilaob diha kaniya.

Ester 4:10

Unya si Ester misulti kang Hatac ug gihatagan siya ug usa ka mensahe alang kang Mardoqueo nga nag-ingon,

Ester 4:4

Sa diha nga ang mga sulugoong babaye ni Ester ug ang iyang mga yunoko nangadto ug misugilon kaniya, ang rayna nasubo pag-ayo. Nagpadala siya ug bisti aron ipasul-ob kang Mardoqueo aron huboon niya ang iyang bisti nga sako apan siya wala modawat niini.

Ester 4:6

Busa si Hatac miadto kang Mardoqueo ngadto sa hawan nga dapit sa siyudad nga anaa sa atubangan sa ganghaan sa hari.

Ester 4:9

Ug si Hatac miadto ug iyang gisuginlan si Ester sa gisulti ni Mardoqueo.

Roma 12:15

Paglipay kamo duyog sa mga nalipay, hilak duyog sa mga nanghilak.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.

Mga Taga-Filipos 2:4

Kinahanglan nga ang matag usa kaninyo magtan-aw dili lamang sa iyang kaugalingong mga kaayohan, kondili sa mga kaayohan usab sa uban.

Mga Hebreo 4:15

Kay ang atong labawng pangulong pari dili usa ka pari nga dili mobati ug kaluoy kanato sa atong mga kaluyahon, hinuon sa tanang paagi siya gitintal sama kanato, apan wala gayod makasala.