Ester 4:3

Ang Biblia 2011

Sa matag lalawigan, bisan asa miabot ang sugo sa hari ug ang iyang balaod, didtoy dakong pagsubo taliwala sa mga Judio uban ang pagpuasa, paghilak, ug pagbangutan ug daghan kanila ang mga nanghigda nga nagbisti ug sako ug nagbutang ug abo.

Cross References

Ester 1:1

Sa mga adlaw ni Ahasuero, ang Ahasuero nga naghari sukad sa India hangtod sa Etiopia, ibabaw sa 127 ka lalawigan,

Ester 3:12

Unya ang mga sekretaryo sa hari gipatawag sa ikanapulo ug tulo nga adlaw sa unang bulan ug ang usa ka balaod sumala sa tanan nga gisugo ni Haman gisulat ngadto sa mga tinugyanan sa hari, ug ngadto sa mga gobernador nga diha sa tanang lalawigan, ug sa mga pangulo sa tanang mga katawhan, sa matag lalawigan diha sa kaugalingon niining sinulatan ug sa matag katawhan diha sa kaugalingon niining pinulongan. Gisulat kini sa ngalan ni Hari Ahasuero ug gisilyohan sa singsing sa hari.

Ester 4:16

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Ester 4:2

Miadto siya sa atubangan sa ganghaan sa hari kay walay makasulod sa ganghaan sa hari nga magbisti ug sako.

Ester 4:4

Sa diha nga ang mga sulugoong babaye ni Ester ug ang iyang mga yunoko nangadto ug misugilon kaniya, ang rayna nasubo pag-ayo. Nagpadala siya ug bisti aron ipasul-ob kang Mardoqueo aron huboon niya ang iyang bisti nga sako apan siya wala modawat niini.

Ester 9:31

aron nga kining mga adlaw sa Purim tumanon sa gitakda nga panahon, sumala sa gisugo kanila ni Mardoqueo nga Judio ug ni Rayna Ester ug sumala sa ilang gitakda sa ilang kaugalingon, ug sa ilang kaliwatan mahitungod sa ilang mga pagpuasa ug sa ilang pagbangutan.

Job 2:8

Mikuha siya ug usa ka tipik sa kulon nga buak aron maoy iyang ikalot sa iyang kaugalingon, ug milingkod siya taliwala sa mga abo.

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Isaias 22:4

Busa ako miingon, “Lingiw gikan kanako, pahilaka ako ug pait nga mga luha, ayaw paghago sa paghupay kanako tungod sa kalaglagan sa anak nga babaye sa akong katawhan.”

Isaias 58:5

Mao ba kini ang pagpuasa nga akong gipili: usa ka adlaw alang sa tawo aron magpaubos sa iyang kaugalingon? Kini aron ba nga iduko niya ang iyang ulo sama sa bugang, ug magbukhad sa bisti nga sako ug abo sa ilalom niya? Tawgon ba nimo kini nga pagpuasa, ug usa ka adlaw nga kahimut-an sa Ginoo?

Ezequiel 27:30

ug nagminatay pag-ayo tungod kanimo ug nanghilak pag-ayo. Sila nagbubo ug abog sa ilang mga ulo ug naglunang diha sa abo;

Daniel 9:3

Unya miatubang ako sa Ginoong Dios, nangita kaniya pinaagi sa pag-ampo ug mga pagpangaliyupo, uban ang pagpuasa ug pagbisti ug sako ug mga abo.

Jonas 3:6

Unya ang balita midangat sa hari sa Ninibe ug siya mitindog sa iyang trono, mihukas sa iyang kupo ug nagtabon sa iyang kaugalingon ug sako ug milingkod sa abo.

Mateo 13:42

ug ilang itambog sila ngadto sa hudno nga nagdilaab. Didto ang mga tawo manghilak ug magkagot ang ilang mga ngipon.

Mateo 22:13

Ug ang hari miingon sa iyang mga sulugoon, ‘Gaposa ninyo ang iyang mga tiil ug mga kamot ug itambog siya ngadto sa kangitngitan sa gawas. Didto ang mga tawo manghilak ug magkagot ang ilang mga ngipon.’

Mateo 25:30

Ug ilabay ninyo ang walay pulos nga ulipon ngadto sa kangitngitan sa gawas, didto ang mga tawo manghilak ug magkagot ang ilang mga ngipon.’

Josue 7:6

Ug gigisi ni Josue ang iyang mga bisti ug mihapa sa yuta sa atubangan sa sudlanan sa Ginoo hangtod sa kahaponon, siya ug ang mga kadagkoan sa Israel. Ug gibutangan nila ug abog ang ilang mga ulo.

1 Samuel 11:4

Sa diha nga ang mga sinugo miabot kang Saul didto sa Gibea, ilang gipahibalo ang mga gikauyonan ngadto sa igdulungog sa katawhan ug ang tibuok katawhan nanghilak ug kusog.