Ester 4:16

Ang Biblia 2011

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Cross References

Genesis 18:19

Dili, kay gipili nako siya aron magsugo sa iyang mga anak ug panimalay nga sunod kaniya aron magsubay sila sa dalan sa Ginoo, pinaagi sa pagbuhat sa pagkamatarong ug sa hustisya, aron ang Ginoo magpadangat kang Abraham niadtong gisaad kaniya.”

Genesis 43:14

Ug ang Dios nga Labing Gamhanan maghatag ug kaluoy kaninyo sa atubangan niadtong tawhana, aron iyang buhian kaninyo ang usa ninyo ka igsoon ug si Benjamin. Kon ako mawad-an sa akong mga anak, ako magbangutan gayod.”

2 Samuel 10:12

Pagmaisogon kamo, ipakita nato ang atong pagkalalaki alang sa atong katawhan ug alang sa mga siyudad sa atong Dios ug buhaton unta sa Ginoo unsay maayo alang kaniya!”

2 Mga Hari 7:4

Kon kita moingon, ‘Manulod kita ngadto sa siyudad,’ ang gutom atua sa siyudad ug kita mangamatay didto, ug kon kita manglingkod dinhi, mangamatay usab kita. Busa karon mangadto kita sa kampo sa mga Sirianhon. Kon ipalingkawas nila ang atong kinabuhi mangabuhi kita ug kon ila kitang patyon mangamatay kita.”

2 Cronicas 20:3

Unya si Jehosafat nahadlok, ug mipahimutang sa iyang kaugalingon aron sa pagpangita sa Ginoo, ug nagmando ug usa ka pagpuasa sa tibuok Juda.

Esdras 8:21

Unya ako nagpahibalo ug usa ka pagpuasa didto sa suba sa Ahava, aron kami magpaubos sa among kaugalingon sa atubangan sa among Dios, sa pagpangita gikan kaniya sa usa ka tul-id nga dalan alang kanamo, alang sa among mga kabataan ug sa tanan namong kabtangan.

Ester 4:15

Unya si Ester misugo kanila sa pagtubag kang Mardoqueo,

Ester 4:17

Busa si Mardoqueo milakaw ug naghimo sa tanan nga gisugo ni Ester kaniya.

Ester 4:3

Sa matag lalawigan, bisan asa miabot ang sugo sa hari ug ang iyang balaod, didtoy dakong pagsubo taliwala sa mga Judio uban ang pagpuasa, paghilak, ug pagbangutan ug daghan kanila ang mga nanghigda nga nagbisti ug sako ug nagbutang ug abo.

Ester 5:1

Sa ikatulo nga adlaw, si Ester nagsul-ob sa iyang harianong bisti, ug mitindog sa sulod nga hawanan sa balay sa hari atbang sa hawanan sa hari. Ang hari naglingkod sa iyang harianang trono sulod sa balay atbang sa pultahan sa balay.

Ester 9:31

aron nga kining mga adlaw sa Purim tumanon sa gitakda nga panahon, sumala sa gisugo kanila ni Mardoqueo nga Judio ug ni Rayna Ester ug sumala sa ilang gitakda sa ilang kaugalingon, ug sa ilang kaliwatan mahitungod sa ilang mga pagpuasa ug sa ilang pagbangutan.

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Jeremias 36:9

Sa ikalima nga tuig ni Jehoiakim nga anak ni Josias, hari sa Juda, sa ikasiyam nga bulan, ang tanang katawhan sa Jerusalem ug ang tanang katawhan nga miabot gikan sa mga siyudad sa Juda ngadto sa Jerusalem nagpahibalo ug usa ka pagpuasa sa atubangan sa Ginoo.

Daniel 2:18

ug gisultihan sila sa pagpangamuyo sa kaluoy sa Dios sa langit mahitungod niining tinago, aron si Daniel ug ang iyang mga kauban dili mangamatay uban sa mga maalamong tawo sa Babilonia.

Mateo 12:40

Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.

Lucas 9:24

Kay si bisan kinsa nga buot magluwas sa iyang kinabuhi mawad-an hinuon niini, ug si bisan kinsa nga mawad-an sa iyang kinabuhi tungod kanako, magluwas niini.

Juan 19:22

Si Pilato mitubag, “Ang akong nasulat, nasulat na.”

Mga Buhat 10:7

Sa nakabiya na ang anghel nga nakigsulti kaniya, gitawag ni Cornelio ang duha sa iyang mga sulugoon ug usa ka relihiyosong sundalo nga usa sa mga nag-alagad kaniya.

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Mga Buhat 21:13

Unya siya mitubag, “Unsa ba kining inyong gibuhat nga naghilak man kamo ug nagsamad sa akong kasingkasing? Andam ako dili lamang sa pagpabilanggo, kondili bisan sa pagpakamatay didto sa Jerusalem tungod sa ngalan sa Ginoong Jesus.”

Mga Buhat 27:33

Sa hapit na mosilang ang adlaw, si Pablo miagda kanilang tanan sa pagkaon nga nag-ingon, “Karon mao ang ikanapulo ug upat nga adlaw nga kamo nagpadayon sa pagpaabot ug nga walay gikaon bisan unsa.

Mga Buhat 9:9

Ug sulod sa tulo ka adlaw siya dili makakita ug wala mokaon o moinom.

Roma 16:4

Gitahan nila ang ilang mga kinabuhi ngadto sa katalagman alang sa akong kinabuhi, ug kanila nagpasalamat dili lamang ako kondili ang tanan usab nga mga iglesia sa mga Gentil.

Mga Taga-Filipos 2:30

kay hapit siya mamatay alang sa buluhaton ni Cristo, nagtahan sa iyang kinabuhi aron sa paghulip sa inyong pag-alagad kanako.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”

1 Samuel 19:5

Kay gibutang niya ang iyang kinabuhi diha sa iyang kamot ug gipatay ang Filistihanon, ug ang Ginoo naghimo ug usa ka dakong kadaogan sa tibuok Israel. Ikaw nakakita niana ug nalipay. Ngano nga magpakasala man ikaw batok sa dugo sa walay sala pinaagi sa pagpatay kang David sa walay hinungdan?”