Ester 4:1

Ang Biblia 2011

Sa nahibaloan ni Mardoqueo ang tanan nga nabuhat, gigisi niya ang iyang mga bisti ug nagsul-ob siya ug sako ug nagbutang ug mga abo ug miadto sa kinataliwad-an sa siyudad, ug mitiyabaw sa usa ka kusog ug pait nga paghilak.

Cross References

Genesis 27:34

Sa pagkadungog ni Esau sa mga pulong sa iyang amahan, mitiyabaw siya sa hilabihan ug pait nga pagtiyabaw, ug miingon sa iyang amahan, “Panalangini ako, ako usab, O amahan ko.”

Genesis 37:34

Ug gigisi ni Jacob ang iyang mga bisti ug nagsul-ob ug bisting sako diha sa iyang hawak ug nagbangutan tungod sa iyang anak sulod sa daghang mga adlaw.

2 Samuel 1:11

Unya gikuptan ni David ang iyang mga bisti ug gipanggisi kini, ug mao usab ang gibuhat sa tanang mga tawo nga diha uban kaniya.

2 Samuel 13:19

Ug si Tamar nagbutang ug abo sa iyang ulo, ug gigisi niya ang bisti nga taas nga iyang gisul-ob ug iyang gibutang ang iyang kamot sa iyang ulo ug milakaw nga naghilak pag-ayo.

Ester 4:2

Miadto siya sa atubangan sa ganghaan sa hari kay walay makasulod sa ganghaan sa hari nga magbisti ug sako.

Ester 4:3

Sa matag lalawigan, bisan asa miabot ang sugo sa hari ug ang iyang balaod, didtoy dakong pagsubo taliwala sa mga Judio uban ang pagpuasa, paghilak, ug pagbangutan ug daghan kanila ang mga nanghigda nga nagbisti ug sako ug nagbutang ug abo.

Job 1:20

Unya si Job mitindog, ug migisi sa iyang bisti, ug mikiskis sa iyang ulo ug mihapa sa yuta ug misimba.

Job 2:8

Mikuha siya ug usa ka tipik sa kulon nga buak aron maoy iyang ikalot sa iyang kaugalingon, ug milingkod siya taliwala sa mga abo.

Job 42:6

tungod niini, gitamay nako ang akong kaugalingon, ug naghinulsol diha sa abog ug sa abo.”

Isaias 15:4

Ang Hesbon ug ang Eleale nanghilak, ang ilang tingog nadungog hangtod sa Jahas; busa ang mga tawo sa Moab nga adunay hinagiban mitiyabaw ug kusog, ang iyang kalag nagkurog.

Isaias 22:4

Busa ako miingon, “Lingiw gikan kanako, pahilaka ako ug pait nga mga luha, ayaw paghago sa paghupay kanako tungod sa kalaglagan sa anak nga babaye sa akong katawhan.”

Isaias 37:1

Sa pagkadungog niini Hari Hesekias, gigisi niya ang iyang mga bisti, ug nagtabon sa iyang kaugalingon ug sako, ug misulod sa balay sa Ginoo.

Isaias 37:2

Ug iyang gipaadto si Eliakim nga tinugyanan sa panimalay, ug si Sebna nga sekretaryo, ug ang mga kadagkoan sa mga pari, nga nagsul-ob ug bisti nga sako, ngadto kang Isaias nga propeta, ang anak ni Amos.

Isaias 58:5

Mao ba kini ang pagpuasa nga akong gipili: usa ka adlaw alang sa tawo aron magpaubos sa iyang kaugalingon? Kini aron ba nga iduko niya ang iyang ulo sama sa bugang, ug magbukhad sa bisti nga sako ug abo sa ilalom niya? Tawgon ba nimo kini nga pagpuasa, ug usa ka adlaw nga kahimut-an sa Ginoo?

Ezequiel 21:11

Busa gihatag ang espada aron pasinawon, aron kini magamit. Kini gibaid, ug gipasinaw aron ihatag ngadto sa kamot sa magpatay.

Ezequiel 21:6

Busa panghupaw, anak sa tawo, panghupaw uban sa kasingkasing nga anaa sa kasakit ug pait nga kasubo atubangan sa ilang mga mata.

Daniel 9:3

Unya miatubang ako sa Ginoong Dios, nangita kaniya pinaagi sa pag-ampo ug mga pagpangaliyupo, uban ang pagpuasa ug pagbisti ug sako ug mga abo.

Miqueas 1:8

Tungod niini ako magbangutan ug magminatay; molakaw ako nga magtiniil ug hubo; magbangutan ako sama sa iro nga ihalas, ug magbakho sama sa mga abistros.

Sofonias 1:14

Ang dakong adlaw sa Ginoo duol na, kini nagkaduol na ug hapit na gayod moabot; ang tingog sa adlaw sa Ginoo pait gayod, ang kusgan nga tawo kusog nga nagsinggit didto.

Mateo 11:21

“Alaot ikaw, Corazin! Alaot ikaw, Betsaida! Kay kon ang mga milagro nga nahimo diha kaninyo didto pa himoa sa Tiro ug sa Sidon, dugay ra unta silang naghinulsol nga magsul-ob ug sako ug maglubog sa abo.

Mga Buhat 14:14

Apan sa pagkadungog niini sa mga apostoles nga si Bernabe ug si Pablo, gigisi nila ang ilang mga bisti ug midagan sila nga nagsinggit ngadto sa katawhan ug nag-ingon,

Josue 7:6

Ug gigisi ni Josue ang iyang mga bisti ug mihapa sa yuta sa atubangan sa sudlanan sa Ginoo hangtod sa kahaponon, siya ug ang mga kadagkoan sa Israel. Ug gibutangan nila ug abog ang ilang mga ulo.

Gipadayag 11:3

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”