Ester 3:8

Ang Biblia 2011

Unya si Haman miingon kang Hari Ahasuero, “Adunay usa ka katawhan nga nangakatag sa layong dapit ug nagkatibulaag sa taliwala sa mga katawhan sa tanang lalawigan sa imong gingharian. Ang ilang mga balaod lahi sa ubang katawhan ug wala nila tumana ang mga balaod sa hari, busa dili makaayo sa hari ang pagpasagad kanila.

Cross References

Esdras 4:6

Ug sa paghari ni Ahasuero, sa pagsugod sa iyang paghari, nagsulat sila ug usa ka sumbong batok sa mga nagpuyo sa Juda ug sa Jerusalem.

Nehemias 1:8

Hinumdomi ang pulong nga imong gisugo sa imong alagad nga si Moises nga nag-ingon, ‘Kon kamo dili matinumanon, katagon nako kamo taliwala sa mga katawhan,

Ester 3:9

Kon kini makapahimuot sa hari, maghatag unta siya ug sugo nga pamatyon sila ug ako mobayad ug napulo ka libo ka talanton nga plata ngadto sa mga kamot nga maoy gitugyanan sa patigayon sa hari aron ila kining ibutang ngadto sa tipiganan sa bahandi sa hari.”

Ester 4:1

Sa nahibaloan ni Mardoqueo ang tanan nga nabuhat, gigisi niya ang iyang mga bisti ug nagsul-ob siya ug sako ug nagbutang ug mga abo ug miadto sa kinataliwad-an sa siyudad, ug mitiyabaw sa usa ka kusog ug pait nga paghilak.

Jeremias 33:24

“Wala ba ikaw makamatikod sa gisulti niining katawhan, ‘Ang Ginoo nagsalikway sa duha ka panimalay nga iyang gipili’? Sa ingon gitamay nila ang akong katawhan nga tungod niana dili na sila usa ka nasod sa ilang panan-aw.

Jeremias 50:17

“Ang Israel mao ang giayam nga karnero nga giabog sa mga liyon. Una, ang hari sa Asiria milamoy kaniya ug karon sa kataposan gikitkit ang iyang mga bukog ni Nabucodonosor nga hari sa Babilonia.

Ezequiel 11:16

Busa isulti, ‘Mao kini ang giingon sa Ginoong Dios: Bisan ug gipadala nako sila ngadto sa layo uban sa mga nasod, ug tungod kay akong gipatibulaag sila sa mga kayutaan, bisan pa niana ako nahimong balaan nga dapit sa makadiyot alang kanila didto sa mga kayutaan nga ilang giadtoan.’

Ezequiel 6:8

“Bisan pa niana, ako magbilin ug pipila kaninyo nga buhi. Ang uban kaninyo makaikyas gikan sa espada ngadto sa taliwala sa mga nasod, sa diha nga kamo patibulaagon sa tibuok kayutaan.

Daniel 3:8

Busa niadtong panahona pipila ka Caldeanhon ang miduol ug mipasaka ug sumbong batok sa mga Judio.

Daniel 6:13

Unya mitubag sila ug miingon sa atubangan sa hari, “Kana si Daniel nga usa sa mga binihag gikan sa Juda wala magtamod kanimo, O hari, o sa mando nga imong gipirmahan, kondili naghimo sa iyang pag-ampo makatulo sa usa ka adlaw.”

Daniel 6:14

Unya ang hari, sa pagkadungog niya niining mga pulonga, nasubo pag-ayo ug naghunahuna sa pagluwas kang Daniel ug siya naningkamot hangtod sa pagkasalop sa adlaw aron sa pagluwas kaniya.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Zacarias 7:14

ug gipatibulaag nako sila pinaagi sa alimpulos ngadto sa tanang mga nasod nga wala nila mailhi. Sa ingon niini ang yuta nahimong kamingawan nga ilang gitalikdan, tungod kay wala nay tawo nga milatas ngadto-nganhi ug ang maayong yuta nahimong kamingawan.”

Numeros 23:9

Kay gikan sa kinatumyan sa mga kabukiran ako nakakita kaniya, gikan sa kabungtoran ako naglantaw kaniya. Tan-awa, ang katawhan nga nagpuyo nga nag-inusara, ug wala mag-isip sa ilang kaugalingon nga uban sa kanasoran!

Juan 7:35

Ug ang mga Judio nag-ingon sa usa ug usa, “Asa man kaha siya buot moadto nga dili man kuno kita makakaplag kaniya? Buot ba siyang moadto sa mga Judio nga nagkatibulaag taliwala sa mga Grego ug manudlo sa mga Grego?

Mga Buhat 24:5

Kay among nakita nga kining tawhana samokan, tigpasiugda ug mga kagubot sa tanang mga Judio sa tibuok kalibotan ug pangulo sa pundok sa mga Nazareno.

Mga Buhat 28:22

Apan buot kaming mamati kanimo kon unsa ang imong mga hunahuna, kay mahitungod niining maong pundok kami nasayod nga kini gisupak bisan diin.”

Deuteronomio 30:3

ang Ginoo nga inyong Dios magpahiuli kaninyo sa maayong kahimtang ug maluoy kaninyo, ug magtigom siya pag-usab kaninyo gikan sa tanang katawhan diin kamo gipatibulaag sa Ginoo nga inyong Dios.

Deuteronomio 32:26

Moingon unta ako, “Patibulaagon nako sila sa layo, pahunongon nako sa taliwala sa mga tawo ang handomanan nila,”

Deuteronomio 4:27

Ug ang Ginoo magpatibulaag kaninyo taliwala sa mga katawhan, ug bilinan kamo ug diyotay nga gidaghanon taliwala sa mga nasod diin dad-on kamo sa Ginoo.

Santiago 1:1

Si Santiago, ulipon sa Dios ug sa Ginoong Jesu-Cristo; Alang sa napulo ug duha ka banay nga nagkatibulaag: Kumosta.

1 Pedro 1:1

Si Pedro, apostol ni Jesu-Cristo, Alang sa mga dumuduong tungod sa pagkatibulaag nga anaa diha sa Ponto, sa Galacia, sa Capadocia, sa Asia ug sa Bitinia,