Ester 3:6

Ang Biblia 2011

Apan wala siya makaugon nga si Mardoqueo lamang ang patyon. Busa sa dihang gipahibalo nila kaniya ang katawhan ni Mardoqueo, si Haman nagtinguha sa paglaglag sa tanang mga Judio, ang katawhan ni Mardoqueo, sa tibuok gingharian ni Ahasuero.

Cross References

Esdras 4:6

Ug sa paghari ni Ahasuero, sa pagsugod sa iyang paghari, nagsulat sila ug usa ka sumbong batok sa mga nagpuyo sa Juda ug sa Jerusalem.

Ester 9:25

Apan sa pag-abot ni Ester sa atubangan sa hari, siya misugo pinaagi sa mga sulat nga ang iyang laraw nga daotan nga iyang giplano batok sa mga Judio, mosumbalik ra sa iyang ulo, ug nga siya ug ang iyang mga anak nga lalaki bitayon diha sa bitayan.

Salmo 83:4

Nag-ingon sila, “Dali kamo, puohon nato sila ingon nga usa ka nasod, himoon nga dili na mahinumdoman ang ngalan nga Israel!”

Salmo 83:5

Kay naghiusa sila sa pagsabot; batok kanimo sila naghimo ug kasabotan:

Jeremias 33:24

“Wala ba ikaw makamatikod sa gisulti niining katawhan, ‘Ang Ginoo nagsalikway sa duha ka panimalay nga iyang gipili’? Sa ingon gitamay nila ang akong katawhan nga tungod niana dili na sila usa ka nasod sa ilang panan-aw.

Gipadayag 12:12

Busa paglipay, O kalangitan ug kamo nga mga nagpuyo niini! Apan alaot kamo, O yuta ug dagat, kay diha kaninyo nanaog ang yawa nga puno sa dakong kapungot kay nasayod man siya nga mubo na lamang ang iyang panahon!”