Ester 3:2

Ang Biblia 2011

Ug ang tanang mga alagad sa hari nga didto sa ganghaan sa hari miyukbo ug mitahod kang Haman kay ang hari nagsugo sa ingon mahitungod kaniya. Apan si Mardoqueo wala moyukbo o motahod kaniya.

Cross References

Genesis 41:43

Ug gipasakay siya sa ikaduha nga karwahi sa hari ug sila naninggit sa atubangan niya, “Pangluhod kamo.” Ug gipahiluna siya ibabaw sa tibuok nga yuta sa Ehipto.

Ester 2:19

Sa natigom na ang mga ulay sa ikaduhang panahon, si Mardoqueo naglingkod sa ganghaan sa hari.

Ester 2:21

Niadtong mga adlawa, samtang naglingkod si Mardoqueo sa ganghaan sa hari, si Bigtan ug si Teres, duha sa mga yunoko sa hari nga nagbantay sa tugkaran, nangasuko ug nagtinguha sa pagpatay kang Hari Ahasuero.

Ester 2:5

Didto sa Susa nga mao ang ulohang siyudad may usa ka Judio nga ang ngalan Mardoqueo, anak ni Jair nga anak ni Simei nga anak ni Kis, nga kaliwat ni Benjamin,

Ester 3:1

Human niining mga butanga gipauswag ni Hari Ahasuero ang katungdanan ni Haman nga Agaghanon, anak ni Hamedata, ug gihimo siyang labaw ug gibutang ang iyang lingkoranan labaw sa tanang mga pangulo nga diha uban kaniya.

Ester 3:3

Unya ang mga alagad sa hari nga didto sa iyang ganghaan miingon kang Mardoqueo, “Nganong gilapas man nimo ang sugo sa hari?”

Ester 3:5

Ug sa nakita ni Haman nga si Mardoqueo wala moyukbo o magtahod kaniya, si Haman napuno sa kaligutgot.

Ester 5:9

Unya miadto si Haman niadtong adlawa nga malipayon ug maya sa kasingkasing apan sa dihang nakita ni Haman si Mardoqueo diha sa ganghaan sa hari, nga siya wala motindog o mokurog sa iyang atubangan, siya napuno sa kaligutgot batok kang Mardoqueo.

Salmo 15:4

sa iyang mga mata gitamay ang tawo nga dunot ug kasingkasing, apan nagtahod siya sa mga may kahadlok sa Ginoo; mobarog sa iyang panumpa bisan kini makasakit kaniya;

Exodo 17:14

Unya ang Ginoo miingon kang Moises, “Isulat kini ingon nga usa ka handomanan diha sa usa ka basahon, ug sublia sa pagsaysay ngadto sa mga igdulungog ni Josue nga papason gayod nako ang handomanan sa Amalek sa ilalom sa langit.”

Exodo 17:16

Ug miingon siya, “Iisa ang bandila sa Ginoo! Ang Ginoo makiggubat batok sa Amalek hangtod sa tanang kaliwatan.”

Daniel 2:49

Si Daniel mihangyo sa hari, ug iyang gitudlo si Sadrac, si Mesac ug si Abednego sa pagdumala sa mga buluhaton sa lalawigan sa Babilonia, apan si Daniel nagpabilin diha sa hawanan sa hari.

Deuteronomio 25:19

Busa sa diha nga ang Ginoo nga inyong Dios makahatag na kaninyo ug pahulay gikan sa inyong mga kaaway nga naglibot didto sa yuta nga gihatag kaninyo sa Ginoo nga inyong Dios ingon nga panulundon aron mapanag-iya, papasa ninyo ang handomanan ni Amalek gikan sa ubos sa langit, ayaw gayod kalimot.

Mga Taga-Filipos 2:10

aron nga diha sa ngalan ni Jesus ang tanang tawo moluhod didto sa langit, dinhi sa yuta ug sa ilalom sa yuta,

1 Samuel 15:3

Busa lakaw ug tigbasa si Amalek ug hutda paglaglag ang tanan nga anaa kanila, ug ayaw sila palingkawasa, hinuon patya ang lalaki ug babaye, bata ug masuso, baka ug karnero, kamilyo ug asno.’ ”