Ester 3:12

Ang Biblia 2011

Unya ang mga sekretaryo sa hari gipatawag sa ikanapulo ug tulo nga adlaw sa unang bulan ug ang usa ka balaod sumala sa tanan nga gisugo ni Haman gisulat ngadto sa mga tinugyanan sa hari, ug ngadto sa mga gobernador nga diha sa tanang lalawigan, ug sa mga pangulo sa tanang mga katawhan, sa matag lalawigan diha sa kaugalingon niining sinulatan ug sa matag katawhan diha sa kaugalingon niining pinulongan. Gisulat kini sa ngalan ni Hari Ahasuero ug gisilyohan sa singsing sa hari.

Cross References

1 Mga Hari 21:8

Busa nagsulat siya ug mga sulat sa ngalan ni Ahab ug gisilyohan kini sa silyo ni Ahab, ug iyang gipadala ang mga sulat ngadto sa mga kadagkoan ug sa mga halangdon nga nagpuyo uban ni Nabot diha sa iyang siyudad.

Esdras 8:36

Gihatag usab nila ang gisugo sa hari ngadto sa mga pangulo ug ngadto sa mga gobernador sa lalawigan tabok sa Suba ug ilang gitabangan ang katawhan ug ang balay sa Dios.

Ester 1:22

Nagpadala siya ug mga sulat sa tanang mga lalawigan sa hari, sa matag lalawigan sumala sa nasulat niini ug sa matag katawhan sumala sa ilang pinulongan nga ang matag lalaki maghari sa iyang kaugalingong balay ug magsulti sumala sa pinulongan sa iyang katawhan.

Ester 3:11

Ug ang hari miingon kang Haman, “Ang salapi gihatag kanimo, ang katawhan usab, aron buhaton ngadto kanila ang gituohan mong maayo alang kanimo.”

Ester 8:2

Unya gikuha sa hari ang singsing nga iyang gikuha kang Haman ug gihatag kini kang Mardoqueo. Busa gipahimutang ni Ester si Mardoqueo sa balay ni Haman.

Ester 9:27

ang mga Judio naggahin, ug ilang gisaad alang sa ilang kaugalingon ug sa ilang mga kaliwatan ug sa tanan nga mitipon kanila, aron nga sa walay pagpakyas magtuman sila niining duha ka adlaw sumala sa nasulat niini ug sa panahon nga gitakda matag tuig,

Daniel 3:10

Ikaw, O hari, naghimo ug usa ka sugo nga ang matag tawo nga makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kinahanglang mohapa ug mosimba sa larawan nga bulawan,

Daniel 6:12

Unya sila miduol ug miingon sa atubangan sa hari mahitungod sa gidili sa hari, “O hari! Wala ba ikaw mopirma sa usa ka pagdili nga si bisan kinsa nga mangamuyo sa bisan unsang dios o tawo sulod sa 30 ka adlaw gawas kanimo, O hari, itambog ngadto sa langob sa mga liyon?” Ang hari mitubag, “Ang butang nagpabilin sumala sa balaod sa mga Medianhon ug sa mga Persianhon, dili mabakwi.”

Daniel 6:15

Unya kining mga tawhana nagkahiusa sa pag-adto sa hari ug miingon sa hari, “Hibaloi, O hari, nga kini balaod sa mga Medianhon ug sa mga Persianhon, walay mando o tulumanon nga gihimo sa hari nga mahimong bakwion.”

Daniel 6:25

Unya si Hari Dario misulat sa tanang mga katawhan, mga nasod ug mga pinulongan nga nagpuyo sa tibuok yuta: “Ang pakigdait modagaya unta kaninyo!

Daniel 6:8

Karon, O hari, himoa ang mando ug pirmahi ang kasulatan, aron dili kini mabakwi, sumala sa balaod sa mga Medianhon ug sa mga Persianhon nga dili mabakwi.”