Ester 3:1

Ang Biblia 2011

Human niining mga butanga gipauswag ni Hari Ahasuero ang katungdanan ni Haman nga Agaghanon, anak ni Hamedata, ug gihimo siyang labaw ug gibutang ang iyang lingkoranan labaw sa tanang mga pangulo nga diha uban kaniya.

Cross References

Genesis 41:40

Ikaw magmando sa akong panimalay ug sumala sa imong pulong, dumalahon nimo ang akong tibuok nga katawhan. Sa akong trono lamang nga ako labaw kanimo.”

Genesis 41:55

Ug sa diha nga ang gutom gibati sa tibuok yuta sa Ehipto, ang katawhan mituaw ngadto sa Paraon alang sa pagkaon. Ug ang Paraon miingon ngadto sa tanan nga mga Ehiptohanon, “Pangadto kamo kang Jose ug buhata ninyo ang iyang isulti kaninyo.”

Esdras 7:14

Kay ikaw gipadala sa hari ug sa iyang pito ka magtatambag sa paghimo ug pakisusi mahitungod sa Juda ug sa Jerusalem sumala sa balaod sa imong Dios nga anaa sa imong kamot,

Ester 1:14

ang mga tawo nga sunod kaniya nga mao si Carsena, si Setar, si Admata, si Tarsis, si Meres, si Marsena ug si Memucan, ang pito ka kadagkoan sa Persia ug sa Media nga nakakita sa nawong sa hari ug unang milingkod sa gingharian:

Ester 3:10

Busa ang hari mikuha sa iyang singsing gikan sa iyang kamot ug gihatag kini kang Haman nga Agaghanon nga anak ni Hamedata, ang kaaway sa mga Judio.

Ester 5:11

Ug si Haman misugilon kanila sa himaya sa iyang mga bahandi, sa gidaghanon sa iyang mga anak, ug sa tanang mga pagtuboy diin ang hari nagpasidungog kaniya ug giunsa sa hari sa pagpauswag kaniya labaw sa mga pangulo ug mga alagad sa hari.

Ester 7:6

Si Ester miingon, “Usa ka kabatok ug kaaway! Kining daotan nga Haman!” Unya si Haman nahadlok sa atubangan sa hari ug sa rayna.

Ester 8:3

Unya si Ester misulti pag-usab ngadto sa hari, siya miluhod sa iyang tiilan ug nangaliyupo kaniya uban sa luha aron sa pagpahunong sa kadaotan ni Haman nga Agaghanon ug sa laraw nga iyang gihunahuna batok sa mga Judio.

Salmo 12:8

Ang mga daotan naglakaw sa bisan diin nga dapit, ingon nga ang kangil-ad gipasidunggan taliwala sa mga anak sa mga tawo.

Mga Panultihon 29:2

Kon ang matarong anaa sa gahom, ang katawhan malipay; apan kon ang daotan mangulo, ang mga tawo mag-agulo.

Ecclesiastes 10:6

ang kabuang gipahimutang diha sa daghang habog nga mga dapit ug ang dato naglingkod sa ubos nga dapit.

Daniel 6:2

Ug ibabaw kanila tulo ka pangulo, diin usa kanila si Daniel, ug diha kaniya manubag ang mga tinugyanan aron ang hari dili mag-antos sa kapakyasan.

Numeros 24:7

Ang tubig mag-awas gikan sa ilang mga timba, ug ang iyang binhi maanaa sa daghang katubigan, ug ang iyang hari labaw pa kay kang Agag, ug ang iyang gingharian himayaon.

1 Samuel 15:33

Apan si Samuel miingon, “Ingon nga ang imong espada naghimo sa mga kababayen-an nga nawad-an ug anak, ingon usab ang imong inahan mawad-an ug anak taliwala sa kababayen-an.” Ug si Samuel mitagodtagod kang Agag sa atubangan sa Ginoo didto sa Gilgal.

1 Samuel 15:8

Iyang nadakpan nga buhi si Agag nga hari sa mga Amalekanhon, ug gihurot paglaglag ang tanang katawhan pinaagi sa sulab sa espada.