Ester 2:9

Ang Biblia 2011

Ang dalaga nakapahimuot kaniya ug nadani ang iyang kaluoy ug dihadiha iyang gihatag kang Ester ang mga pahumot niini uban sa iyang pagkaon ug uban sa pito ka piniling dalaga gikan sa palasyo sa hari ug iyang gibalhin siya ug ang iyang mga dalaga sa labing maayo nga dapit sa balay sa mga babaye.

Cross References

Genesis 39:21

Apan ang Ginoo nag-uban kang Jose ug nagpakita kaniya sa gugmang walay paglubad ug gihimo siya nga mahimut-an sa panan-aw sa tinugyanan sa bilanggoan.

Genesis 39:4

Busa si Jose nakapahimuot sa iyang panan-aw ug siya nag-alagad kaniya ug gihimo siya nga tinugyanan sa iyang balay ug gitugyan kaniya ang tanan niyang katigayonan.

1 Mga Hari 8:50

ug pasayloa ang imong katawhan nga nakasala batok kanimo sa tanan nilang kalapasan nga ilang nahimo batok kanimo ug ihatag kanila ang kaluoy sa atubangan niadtong nagbihag kanila aron sila maluoy kanila,

Esdras 7:6

kini si Ezra mitungas gikan sa Babilonia. Siya usa ka eskriba nga batid sa Balaod ni Moises nga gihatag sa Ginoo nga Dios sa Israel. Ug ang hari mihatag kaniya sa tanan niyang gipangayo kay ang kamot sa Ginoo nga iyang Dios diha kaniya.

Nehemias 2:8

ug usab usa ka sulat alang kang Asaf nga tigbantay sa kalasangan sa hari, aron hatagan niya ako ug kahoy nga buhatong mga sagbayan sa mga ganghaan sa kuta sa Templo ug alang sa paril sa siyudad ug alang sa balay nga akong puy-an.” Ug ang hari mihatag kanako sa akong gipangayo kay ang maayong kamot sa akong Dios ania kanako.

Ester 2:12

Karon sa diha nga ang panahon miabot sa matag dalaga sa pag-adto kang Hari Ahasuero, human sa napulo ug duha ka bulan ilalom sa tulumanon sa mga babaye, kay kini mao ang naandang mga adlaw sa ilang pagpaanyag, unom ka bulan sa lana sa mira ug unom ka bulan sa mga pahumot ug mga haplas alang sa mga babaye,

Ester 2:3

Ug ang hari papilia ug mga tinugyanan sa tanang mga lalawigan sa iyang gingharian, aron ilang tigomon ang tanang maanyag nga batan-ong ulay didto sa balay sa mga babaye sa Susa, ang ulohang siyudad, ubos sa pagdumala ni Hegai nga yunoko sa hari, nga gitugyanan sa mga babaye, ug ipahatag ang mga pahumot ngadto kanila.

Ester 5:2

Sa pagkakita sa hari kang Rayna Ester nga nagtindog sa hawanan, si Ester nakakaplag ug kahimuot diha sa iyang panan-aw ug iyang gitunol kang Ester ang bulawang setro nga diha sa iyang kamot. Unya si Ester miduol ug mihikap sa tumoy sa setro.

Salmo 106:46

Gihimo niya sila nga kaluy-an niadtong tanan nga nagdala kanila nga binihag.

Mga Panultihon 16:7

Kon ang mga pamaagi sa usa ka tawo makapahimuot sa Ginoo, iyang himoon bisan ang iyang mga kaaway nga makigdait kaniya.

Daniel 1:9

Unya ang Dios mihatag kang Daniel ug pag-uyon ug kaluoy sa panan-aw sa pangulo sa mga yunoko.

Mga Buhat 7:10

ug miluwas kaniya gikan sa tanan niyang mga kasakitan, ug naghatag kaniyag grasya ug kaalam sa atubangan sa Paraon nga hari sa Ehipto nga mihimo kaniya nga gobernador sa Ehipto ug sa tibuok niyang panimalay.