Ester 2:23

Ang Biblia 2011

Sa dihang gihimo ang pagsusi sa maong butang, ug nakita nga kini matuod, silang duha gipamitay sa kahoy ug kini gisulat diha sa basahon sa mga Kasaysayan sa atubangan sa hari.

Cross References

Genesis 40:19

Human sa tulo ka adlaw punggoton sa Paraon ang imong ulo gikan kanimo ug ikaw ipabitay niya sa usa ka kahoy ug ang mga langgam mangaon sa imong unod gikan kanimo.”

Genesis 40:22

Apan iyang gipabitay ang pangulo sa mga panadero, ingon sa gihubad ni Jose kanila.

Esdras 4:15

aron nga ang pagsusi himoon unta diha sa basahon sa mga kaagi sa imong mga katigulangan. Imong makita diha sa basahon sa mga kaagi, ug mahibaloan nga kining siyudara masupilon nga siyudad, makadaot sa mga hari ug sa mga lalawigan, ug nga sila naghimo ug pag-alsa batok niini sa unang panahon. Mao kini ang hinungdan nga kining siyudara nagun-ob.

Ester 10:2

Ug ang tanang mga buhat sa iyang gahom ug sa iyang pagkagamhanan, ug ang tanang kasaysayan sa pagkadungganan ni Mardoqueo, diin ang hari nagpauswag kaniya, wala ba kini masulat sa basahon sa mga Kasaysayan sa mga hari sa Media ug Persia?

Ester 5:14

Unya si Zeres nga iyang asawa ug ang tanan niyang mga higala miingon kaniya, “Ipabuhat ang usa ka bitayan nga 50 ka maniko ang gihabogon, ug sa pagkabuntag sultihi ang hari nga ipabitay si Mardoqueo niini; unya lakaw nga malipayon uban sa hari ngadto sa kombira.” Kining tambaga nakapahimuot kang Haman ug iyang gipabuhat ang bitayan.

Ester 6:1

Niadtong gabhiona wala makatulog ang hari ug siya nagsugo nga ipadala ang basahon sa mga halandomong buhat, ang mga kasaysayan ug gibasa sa atubangan sa hari.

Ester 7:10

Ug ang hari miingon, “Bitaya siya niini.” Busa ilang gibitay si Haman sa bitayan nga iyang giandam alang kang Mardoqueo. Unya ang kasuko sa hari napuypoy.

Malaquias 3:16

Unya ang may kahadlok sa Ginoo nagsulti sa usa ug usa. Ang Ginoo mitagad ug namati kanila, ug ang usa ka basahon sa handomanan gisulat sa atubangan niya alang kanila nga may kahadlok sa Ginoo ug nga nagtahod sa iyang ngalan.

Josue 8:29

Ug iyang gibitay ang hari sa Ai sa usa ka kahoy hangtod sa hapon. Sa pagkasalop sa adlaw si Josue misugo ug gikuha nila ang iyang lawas gikan sa kahoy ug gilabay sa atubangan sa ganghaan sa siyudad ug nagpatapok sa ibabaw niini ug usa ka dakong pundok sa mga bato nga nagpabilin hangtod niining mga adlawa.