Ester 2:10

Ang Biblia 2011

Si Ester wala magpahibalo mahitungod sa iyang katawhan o sa iyang kadugo kay gitugon siya ni Mardoqueo nga dili kini ipahibalo.

Cross References

Ester 2:11

Matag adlaw si Mardoqueo moagi sa atubangan sa hawanan sa balay sa mga babaye, aron siya mahibalo kon unsa ang kahimtang ni Ester ug kon unsa ang mahitabo kaniya.

Ester 2:20

Si Ester wala magpahibalo sa iyang kadugo o sa iyang katawhan sumala sa gisugo ni Mardoqueo kaniya kay si Ester mituman kang Mardoqueo, sama sa dihang nagtubo siya uban kaniya.

Ester 2:7

Iyang gimatuto si Hadasa nga mao si Ester, ang anak sa iyang uyoan kay siya walay amahan o inahan ug ang dalaga maanyag ug matahom. Ug sa pagkamatay sa iyang amahan ug inahan, gisagop siya ni Mardoqueo ingon nga iyang kaugalingong anak.

Ester 3:8

Unya si Haman miingon kang Hari Ahasuero, “Adunay usa ka katawhan nga nangakatag sa layong dapit ug nagkatibulaag sa taliwala sa mga katawhan sa tanang lalawigan sa imong gingharian. Ang ilang mga balaod lahi sa ubang katawhan ug wala nila tumana ang mga balaod sa hari, busa dili makaayo sa hari ang pagpasagad kanila.

Ester 7:4

Kay kami gibaligya, ako ug ang akong katawhan, aron laglagon, aron patyon ug aron puohon. Kon kami gibaligya pa lamang ingon nga mga ulipon, mga lalaki ug mga babaye, magpakahilom unta ako kay ang among kasakit dili ikatandi sa kadaot sa hari.”

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mga Taga-Efeso 6:1

Kamong mga anak, kinahanglang tumanon ninyo ang inyong mga ginikanan diha sa Ginoo, kay kini maoy matarong.

Ruth 3:6

Busa miadto siya sa giokanan ug gihimo ang tanan nga gisugo kaniya sa iyang ugangan nga babaye.