Ester 10:3

Ang Biblia 2011

Kay si Mardoqueo nga Judio luyoluyo ni Hari Ahasuero, ug bantogan taliwala sa mga Judio, ug gikahimut-an sa daghan niyang mga kaigsoonan kay nagtinguha siya sa kaayohan sa iyang katawhan ug nagsulti sa pakigdait sa tanan niyang katawhan.

Cross References

Genesis 41:40

Ikaw magmando sa akong panimalay ug sumala sa imong pulong, dumalahon nimo ang akong tibuok nga katawhan. Sa akong trono lamang nga ako labaw kanimo.”

Genesis 45:10

Ikaw mopuyo sa yuta sa Gosen, ug ikaw mahiduol kanako, ikaw ug ang imong mga anak ug ang mga anak sa imong mga anak, ang imong mga panon ug ang imong kahayopan ug ang tanan nga imo.

Genesis 45:11

Ug didto ako magsangkap kanimo kay may nahibilin pa nga lima ka tuig sa gutom, tingali unya ug mahutdan ikaw ug ang imong panimalay ug ang tanan nga imo.” ’

2 Cronicas 28:7

Ug si Zikri nga usa ka bantogang tawo sa Efraim mipatay kang Maasias nga anak sa hari ug kang Asrikam nga tigdumala sa balay sa hari ug kang Elkana nga luyoluyo sa hari.

Nehemias 2:10

Apan sa diha nga nakadungog niini si Sanbalat nga Horonhanon ug si Tobias nga alagad nga Amonihanon, nasuko sila pag-ayo nga adunay usa ka tawo nga nangita sa kaayohan sa katawhan sa Israel.

Ester 2:5

Didto sa Susa nga mao ang ulohang siyudad may usa ka Judio nga ang ngalan Mardoqueo, anak ni Jair nga anak ni Simei nga anak ni Kis, nga kaliwat ni Benjamin,

Ester 3:2

Ug ang tanang mga alagad sa hari nga didto sa ganghaan sa hari miyukbo ug mitahod kang Haman kay ang hari nagsugo sa ingon mahitungod kaniya. Apan si Mardoqueo wala moyukbo o motahod kaniya.

Daniel 5:16

Apan ako nakadungog nga ikaw makahatag ug mga hubad ug makasulbad sa mga suliran. Karon kon ikaw makabasa sa sinulat ug makapadayag kanako sa hubad niini, sul-oban ikaw ug mahalong bisti nga tapol ug makaangkon ug kuwentas nga bulawan sa imong liog ug mahimo nga ikatulong tinugyanan sa gingharian.”

Daniel 5:29

Unya nagsugo si Belsasar, ug si Daniel gisul-oban sa mahalong bisti nga tapol, sa kuwentas nga bulawan diha sa iyang liog ug ang pahibalo gihimo mahitungod kaniya, nga siya mahimong ikatulo nga tinugyanan sa gingharian.

Daniel 6:3

Unya kini si Daniel nahimong inila nga labaw sa mga pangulo ug sa mga tinugyanan kay ang talagsaong katakos diha kaniya ug ang hari naghunahuna sa pagpahiluna kaniya ibabaw sa tibuok nga gingharian.

Roma 10:1

Mga igsoon, ang tinguha sa akong kasingkasing ug ang akong pag-ampo ngadto sa Dios alang kanila mao nga mangaluwas unta sila.

Roma 14:18

Busa siya nga nag-alagad kang Cristo kahimut-an sa Dios ug uyonan sa mga tawo.

1 Samuel 18:16

Apan ang tibuok nga Israel ug Juda nahigugma kang David kay siya migula ug mibalik sa ilang atubangan.

1 Samuel 23:17

Ug siya miingon kaniya, “Ayaw kahadlok kay ang kamot ni Saul nga akong amahan dili makakita kanimo ug ikaw mahimong hari ibabaw sa Israel, ug ako ang sunod nimo, ug si Saul nga akong amahan nahibalo usab niini.”