Ester 1:7

Ang Biblia 2011

Ang mga ilimnon gidalit diha sa mga bulawang sudlanan, nagkalainlaing mga sudlanan, ug ang harianong bino daghan kaayo sumala sa pagkamadagayaon sa hari.

Cross References

1 Mga Hari 10:21

Ang tanang imnanan ni Hari Solomon bulawan ug ang tanang galamiton sa Balay sa Lasang sa Lebanon lunsay nga bulawan. Walay hinimo gikan sa plata kay kini walay bili sa panahon ni Solomon.

2 Cronicas 9:20

Ang sama niini wala gayod mabuhat sa bisan unsang gingharian. Ug ang tanan nga imnanan ni Hari Solomon hinimo gikan sa bulawan ug ang tanang galamiton sa Balay sa Kalasangan sa Lebanon hinimo sa lunsay nga bulawan; ang plata walay bili sa mga adlaw ni Solomon.

Ester 1:8

Ug ang pag-inom nahisubay sa balaod, walay gipugos; kay ang hari naghatag ug mga sugo ngadto sa tanang mga tinugyanan sa iyang balay sa pagbuhat sumala sa gitinguha sa matag usa.

Ester 2:18

Unya ang hari naghimo ug usa ka dakong kombira sa tanan niyang mga pangulo ug sa iyang mga alagad, kombira kadto alang kang Ester. Siya usab nagtugot ug adlaw nga walay buhat ngadto sa mga lalawigan ug naghatag ug mga gasa sumala sa kadato sa hari.

Mateo 4:24

Busa ang iyang kabantog mikaylap sa tibuok Siria. Ug gidala nila ngadto kaniya ang tanang masakiton, ang mga gitakboyan sa nagkalainlaing mga sakit ug mga balatian, mga gidemonyohan, mga patulon ug mga paralitiko, ug iyang giayo sila.