Ester 1:4

Ang Biblia 2011

samtang gipakita niya ang mga bahandi sa iyang harianong himaya ug ang katahom ug kadungganan sa iyang pagkahalangdon sulod sa daghang mga adlaw, 180 ka adlaw.

Cross References

1 Cronicas 29:25

Ang Ginoo naghatag kang Solomon ug dakong dungog diha sa panan-aw sa tibuok Israel, ug mihatag kaniya sa maong kaharianong pagkahalangdon nga walay sama ni bisan kinsang hari nga una kaniya sa Israel.

Ester 1:3

sa ikatulo nga tuig sa iyang paghari, siya naghimo ug usa ka kombira alang sa tanan niyang mga pangulo ug mga alagad. Ang kasundalohan sa Persia ug sa Media ug ang mga kadagkoan ug ang mga gobernador sa mga lalawigan diha sa iyang atubangan,

Ester 1:5

Ug sa natapos na kining mga adlawa, ang hari naghatag ug kombira sulod sa pito ka adlaw didto sa hawanan sa tanaman sa palasyo sa hari alang sa tanang katawhan, dagko ug gagmay, nga didto sa Susa nga ulohang siyudad.

Job 40:10

“Dayandayani ang imong kaugalingon sa pagkahalangdon ug kaligdong; ug sul-obi ang imong kaugalingon sa dungog ug himaya.

Salmo 145:5

Mahitungod sa katahom sa himaya sa imong pagkahalangdon, ug sa imong mga buhat nga kahibulongan, mamalandong ako.

Salmo 21:5

Ang iyang himaya dako tungod sa imong tabang; dungog ug pagkahalangdon imong gitugyan kaniya.

Salmo 45:3

Itakin ang imong espada diha sa imong hawak, O ikaw nga gamhanan, diha sa imong himaya ug sa imong kahalangdon!

Salmo 93:1

Ang Ginoo naghari, nagbisti siya sa pagkahalangdon; ang Ginoo nagbisti, siya nagbakos sa kalig-on. Gipahimutang usab ang kalibotan; kini dili matarog;

Isaias 39:2

Si Hesekias miabiabi kanila, ug gipakita niya kanila ang balay nga tipiganan sa iyang bahandi, ang plata, ang bulawan, ang mga pahumot, ang lana nga bililhon, ug ang tibuok balay sa iyang mga hinagiban ug ang tanan nga makita sa iyang mga bahandi. Walay bisan unsa sa iyang balay o sa tanan niya nga ginsakpan nga wala ipakita ni Hesekias kanila.

Ezequiel 28:5

pinaagi sa imong dakong kaalam diha sa patigayon; ikaw nagdugang sa imong mga bahandi ug ang imong kasingkasing nahimong mapahitas-on tungod sa imong mga bahandi—

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”

Daniel 4:36

Sa samang panahon ang akong salabotan nahiuli kanako, ug alang sa himaya sa akong gingharian, ang akong pagkahalangdon ug katahom nahiuli kanako. Ang akong mga magtatambag ug ang akong mga kadagkoan nangita kanako, ug ako nalig-on sa akong gingharian, ug sa gihapon ang labaw pa nga kabantogan gidugang kanako.

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Mateo 4:8

Unya gidala na usab siya sa yawa ngadto sa usa ka habog kaayong bukid ug kaniya iyang gipakita ang tanang gingharian sa kalibotan ug ang ilang kahimayaan,

Mateo 6:13

ug ayaw kami itugyan sa pagsulay kondili luwasa kami gikan sa daotan.

Roma 9:23

aron sa pagpaila sa kadagaya sa iyang himaya ngadto sa mga butang nga kaluy-anan nga iyang gitagana ngadto sa himaya,

Mga Taga-Efeso 1:18

ingon nga gilamdagan ang mga mata sa inyong kasingkasing, aron inyong masayran kon unsa ang paglaom diha sa iyang pagtawag kaninyo, kon unsa ang mga bahandi sa iyang mahimayaong panulundon diha sa mga balaan,

Mga Taga-Colosas 1:27

Mihukom ang Dios sa pagpaila ngadto kanila unsa ka dako sa himaya sa maong misteryo alang sa mga Gentil, nga si Cristo nga mao ang paglaom sa himaya anaa kaninyo.

Gipadayag 4:11

“Takos ikaw, O among Ginoo ug Dios, sa pagdawat sa himaya ug dungog ug gahom, kay ikaw mao man ang nagbuhat sa tanang butang, ug pinaagi sa imong kabubut-on mitungha ug nangahimo sila.”