Ester 1:3

Ang Biblia 2011

sa ikatulo nga tuig sa iyang paghari, siya naghimo ug usa ka kombira alang sa tanan niyang mga pangulo ug mga alagad. Ang kasundalohan sa Persia ug sa Media ug ang mga kadagkoan ug ang mga gobernador sa mga lalawigan diha sa iyang atubangan,

Cross References

Genesis 40:20

Sa ikatulo nga adlaw, ang adlawng natawhan sa Paraon, naghimo siya ug kombira alang sa tanan niyang mga alagad. Ug gibayaw niya ang ulo sa pangulo sa mga tig-andam sa bino, ug ang ulo sa pangulo sa mga panadero, atubangan sa tanan niyang mga alagad.

1 Mga Hari 3:15

Unya si Solomon nahigmata, ug kadto usa ka damgo. Ug siya miadto sa Jerusalem ug mitindog sa atubangan sa sudlanan sa kasabotan sa Ginoo ug naghalad ug mga halad nga sunogon ug mga halad sa pakigdait ug naghimo ug usa ka kasaulogan alang sa tanan niyang mga sulugoon.

Esdras 1:2

“Kini mao ang gisulti ni Ciro nga hari sa Persia: Ang Ginoo, ang Dios sa langit, naghatag kanako sa tanang gingharian sa yuta ug iya akong gisugo sa pagtukod ug balay alang kaniya didto sa Jerusalem nga anaa sa Juda.

Ester 1:14

ang mga tawo nga sunod kaniya nga mao si Carsena, si Setar, si Admata, si Tarsis, si Meres, si Marsena ug si Memucan, ang pito ka kadagkoan sa Persia ug sa Media nga nakakita sa nawong sa hari ug unang milingkod sa gingharian:

Ester 1:4

samtang gipakita niya ang mga bahandi sa iyang harianong himaya ug ang katahom ug kadungganan sa iyang pagkahalangdon sulod sa daghang mga adlaw, 180 ka adlaw.

Ester 2:18

Unya ang hari naghimo ug usa ka dakong kombira sa tanan niyang mga pangulo ug sa iyang mga alagad, kombira kadto alang kang Ester. Siya usab nagtugot ug adlaw nga walay buhat ngadto sa mga lalawigan ug naghatag ug mga gasa sumala sa kadato sa hari.

Ester 3:7

Sa unang bulan nga mao ang bulan sa Nisan, sa ikanapulo ug duha nga tuig ni Hari Ahasuero, giripahan nila ang Pur, nga mao ang ripa sa atubangan ni Haman matag adlaw ug giripahan nila kini matag bulan hangtod sa ikanapulo ug duha nga bulan nga mao ang bulan sa Adar.

Isaias 21:2

Usa ka makalilisang nga panan-awon gisugilon kanako, ang mabudhion magbudhi ug ang tiglaglag manglaglag. Tungas, O Elam, sulong, O Media; ang tanang pag-antos nga iyang nahimo taposon nako.

Jeremias 51:11

“Baira ninyo ang mga udyong! Kupti ninyo ang mga taming! Ang Ginoo nag-aghat sa espiritu sa mga hari sa Media kay ang iyang tuyo mahitungod sa Babilonia mao ang paglaglag niini kay kini mao ang panimalos sa Ginoo, ang panimalos alang sa iyang Templo.

Daniel 5:1

Si Hari Belsasar naghimo ug usa ka dakong kombira alang sa usa ka libo nga iyang mga kadagkoan, ug miinom siyag bino sa atubangan sa usa ka libo.

Daniel 5:28

PERES, ang imong gingharian nabahin ug gihatag ngadto sa mga Medianhon ug sa mga Persianhon.”

Daniel 6:1

Nakapahimuot kang Dario ang pagbutang ibabaw sa gingharian ug 120 ka tinugyanan nga maoy mangulo sa tibuok gingharian.

Daniel 8:20

Ang laking karnero nga imong nakita nga adunay duha ka sungay, kini sila mao ang mga hari sa Media ug sa Persia.

Marcos 6:21

Apan miabot ang higayon sa diha nga si Herodes, sa kasumatan sa iyang adlawng natawhan, naghimo ug kombira alang sa iyang mga pangulong kawani ug sa mga pangulo sa kasundalohan ug sa mga kadagkoan sa Galilea.