Ester 1:16

Ang Biblia 2011

Unya si Memucan miingon sa atubangan sa hari ug sa mga kadagkoan, “Dili lamang kay sa mga hari ra si Rayna Vasti nakasala kondili sa tanan usab nga mga pangulo, ug sa tanang mga katawhan nga anaa sa tanang mga lalawigan ni Hari Ahasuero.

Cross References

Esdras 4:6

Ug sa paghari ni Ahasuero, sa pagsugod sa iyang paghari, nagsulat sila ug usa ka sumbong batok sa mga nagpuyo sa Juda ug sa Jerusalem.

Ester 1:15

“Sumala sa balaod, unsa man ang angayng buhaton kang Vasti tungod kay wala man niya buhata ang sugo ni Hari Ahasuero nga gidala sa mga yunoko?”

Ester 1:17

Kay kining gibuhat sa rayna mahibaloan sa tanang mga babaye, nga tungod niana sila magtamay sa ilang mga bana diha sa ilang panan-aw kay sila moingon, ‘Si Ahasuero nagsugo kang Rayna Vasti nga paadtoon sa iyang atubangan, apan siya wala moadto.’

Mga Buhat 18:14

Apan sa dihang mobuka na unta si Pablo sa iyang baba, si Galio miingon sa mga Judio, “Kon kini may labot pa gayod sa usa ka kalapasan o daotang buhat, O mga Judio, may katarongan unta ako sa pagpaminaw kaninyo.

Mga Buhat 25:10

Apan si Pablo mitubag kaniya, “Ako ania nagbarog sa atubangan sa hukmanan ni Cesar, diin kinahanglang anhi ako hukman. Ngadto sa mga Judio wala ako makabuhat ug kalapasan sumala sa imo nang nahibaloan pag-ayo.