Ester 1:12

Ang Biblia 2011

Apan si Rayna Vasti nagdumili sa pag-adto sumala sa sugo sa hari nga gidala sa mga yunoko. Tungod niini ang hari nasuko pag-ayo ug ang iyang kasuko misilaob diha kaniya.

Cross References

Genesis 3:16

Ngadto sa babaye miingon siya, “Padaghanon nako pag-ayo ang kasakit sa imong pagpanamkon ug sa kasakit ikaw magpahimugso ug mga anak, apan mangandoy gihapon ikaw sa imong bana ug siya magbuot kanimo.”

Ester 1:11

sa pagdala kang Rayna Vasti sa atubangan sa hari uban ang iyang harianong korona aron sa pagpakita sa iyang kaanyag ngadto sa mga katawhan ug sa mga pangulo kay siya matahom man nga tan-awon.

Ester 1:13

Unya ang hari miingon sa mga maalamon nga tawo nga nahibalo sa mga panahon kay kini mao ang pamaagi sa hari kaniadto ngadto sa tanan nga nahibalo sa balaod ug sa paghukom,

Ester 7:7

Ang hari suko nga mitindog gikan sa kan-anan ug miadto sa tanaman sa balay sa hari. Apan si Haman mipabilin aron sa paghangyo sa iyang kinabuhi kang Rayna Ester kay nakita niya nga may daotan nga gihunahuna batok kaniya ang hari.

Salmo 74:1

O Dios, nganong gisalikway nimo kami hangtod sa kahangtoran? Ngano ba nga nag-aso ang imong kapungot batok sa mga karnero sa imong sibsibanan?

Salmo 79:5

Hangtod kanus-a ba, O Ginoo? Masuko ba ikaw hangtod sa kahangtoran? Magdilaab ba ang imong pangabubho sama sa kalayo?

Exodo 32:19

Ug sa dihang nagkaduol siya sa kampo ug nakita niya ang nating baka ug ang mga pagsayaw, misilaob ang kasuko ni Moises, ug gisalibay niya ang mga papan gikan sa iyang mga kamot ug nadugmok kini sa tiilan sa bukid.

Exodo 32:22

Ug si Aaron miingon, “Dili unta mosilaob ang kasuko sa akong agalon. Ikaw nakaila sa katawhan, nga sila hilig gayod sa daotan.

Mga Panultihon 19:12

Ang kasuko sa hari sama sa pagngulob sa usa ka liyon, apan ang iyang kahimuot sama sa yamog sa balili.

Mga Panultihon 20:2

Ang makalilisang nga kapungot sa usa ka hari sama sa pagngulob sa usa ka liyon; siya nga naghagit kaniya sa pagkasuko mawad-an sa iyang kinabuhi.

Daniel 2:12

Tungod niini ang hari nasuko ug napungot sa hilabihan ug nagsugo nga pamatyon ang tanang maalamon nga mga tawo sa Babilonia.

Daniel 3:13

Unya si Nabucodonosor sa iyang hilabihang kapungot misugo sa pagpakuha kang Sadrac, kang Mesac ug kang Abednego. Unya ilang gidala kining mga tawhana sa atubangan sa hari.

Daniel 3:19

Unya si Nabucodonosor napuno sa kasuko ug ang dagway sa iyang nawong nausab batok kang Sadrac, kang Mesac ug kang Abednego. Siya misugo nga painiton ang hudno sa pito ka pilo labaw sa naandan nga kainit niini.

Nahum 1:6

Kinsa ang makasugakod sa atubangan sa iyang kapungot? Kinsa ang makaantos sa kainit sa iyang kasuko? Ang iyang kapungot gibubo sama sa kalayo, ug ang mga bato iyang gipulpog.

Mga Taga-Efeso 5:22

Kamong mga asawa, kinahanglang magpasakop kamo nga masinugtanon sa inyong kaugalingong mga bana sama ngadto sa Ginoo.

Mga Taga-Efeso 5:24

Sama nga ang iglesia masinugtanong nagpasakop kang Cristo, sa ingon usab niana ang mga asawa kinahanglang magpasakop nga masinugtanon sa ilang mga bana sa tanang paagi.

Deuteronomio 29:20

Ang Ginoo dili mopasaylo kaniya kondili ang kapungot sa Ginoo ug ang iyang pangabubho magdilaab batok sa maong tawo ug ang tanang tunglo nga gisulat niining basahon maanaa sa ibabaw niya ug papason sa Ginoo ang iyang ngalan gikan sa ubos sa langit.

1 Pedro 3:1

Kamo usab nga mga asawa, pagmasinugtanon kamo sa inyong kaugalingong mga bana, aron nga kon aduna man kanilay wala magtuo sa pulong, basin pa ug sa walay pagsulti madani pinaagi sa gawi sa ilang mga asawa,