Ester 1:10

Ang Biblia 2011

Sa ikapito nga adlaw, sa nagmalipayon ang kasingkasing sa hari tungod sa bino, iyang gisugo si Mehuman, si Bista, si Harbona, si Bigta, si Abagta, si Zetar ug si Carkas, ang pito ka yunoko nga nag-alagad sa atubangan ni Hari Ahasuero,

Cross References

Genesis 43:34

Ug siya mikuha ug pagkaon sa iyang atubangan nga gipahat kanila apan ang pahat ni Benjamin lima ka bahin labaw kay kang bisan kinsa kanila. Ug nanginom sila ug naglipay uban kaniya.

2 Samuel 13:28

Unya si Absalom misugo sa iyang mga sulugoon, “Timan-i ninyo sa diha nga ang kasingkasing ni Amnon magmalipayon tungod sa bino, ug sa diha nga ako moingon kaninyo, ‘Tigbasa si Amnon,’ patya siya. Ayaw kahadlok; wala ba ako magsugo kaninyo? Pagmalig-on kamo ug pagmaisogon.”

Ester 1:9

Si Rayna Vasti usab naghimo ug usa ka kombira alang sa mga babaye sa balay sa hari nga iya ni Hari Ahasuero.

Ester 3:15

Ang mga sinugo midali pag-adto sumala sa sugo sa hari ug ang usa ka sugo gimantala didto sa Susa nga mao ang ulohang siyudad. Ug ang hari ug si Haman milingkod aron sa pag-inom apan ang siyudad sa Susa nagubot.

Ester 7:9

Unya si Harbona nga usa sa mga yunoko nga nag-alagad sa hari miingon, “Dugang pa niini, ang bitayan nga 50 ka maniko ang gihabogon nga giandam ni Haman alang kang Mardoqueo kinsang pulong nagluwas sa hari, nagbarog didto sa balay ni Haman.”

Mga Panultihon 20:1

Ang bino tigbugalbugal, ang isog nga ilimnon tighimo ug kasamok, ug si bisan kinsa nga mahisalaag tungod niini dili maalamon.

Mga Panultihon 31:4

Dili angay alang sa mga hari, O Lemuel, dili angay alang sa mga hari ang pag-inom sa bino, o alang sa mga pangulo ang pagtinguha ang isog nga ilimnon;

Ecclesiastes 10:19

Ang pan gihimo alang sa pagkatawa, ug ang bino maglipay sa kinabuhi; ug ang salapi magtubag sa tanang mga butang.

Mga Maghuhukom 16:25

Sa diha nga ang ilang mga kasingkasing nagmalipayon, sila miingon, “Tawga si Samson aron siya makahimo ug kalingawan alang kanato” Ug ilang gitawag si Samson gikan sa bilanggoan, ug naghimo siya ug kalingawan sa ilang atubangan. Ug gipatindog nila siya sa taliwala sa mga haligi.

Mga Maghuhukom 19:6

Busa ang duha ka lalaki nanglingkod ug nangaon ug nanginom ug ang amahan sa babaye miingon sa tawo, “Ikalipay ang pagpabilin sa tibuok gabii ug lipaya ang imong kasingkasing.”

Ruth 3:7

Sa dihang nakakaon ug nakainom na si Boas ug ang iyang kasingkasing malipayon, miadto siya ug mihigda sa kinatumyan sa tinapok nga sebada. Ug siya mihinay pagduol ug gibuksan ang tiilan ni Boas ug mihigda.