Ecclesiastes 9:2

Ang Biblia 2011

kay managsama ang dangatan sa tanan, ngadto sa matarong ug sa daotan, sa maayo ug sa dili maayo, sa hinlo ug sa dili hinlo, kaniya nga naghalad ug kaniya nga wala maghalad. Sama sa maayo, mao usab ang makasasala; ug siya nga nanumpa, sama usab kaniya nga mahadlok nga manumpa.

Cross References

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

Job 9:22

Usa ra kining tanan, busa ako nag-ingon, nga siya naglaglag sa maayo ug sa daotan.

Salmo 73:3

Kay nasina ako sa mga mapahitas-on, sa diha nga nakita nako ang kauswagan sa mga daotan.

Ecclesiastes 2:26

Kay ngadto sa tawo nga nakapahimuot kaniya, ang Dios naghatag ug kaalam ug kahibalo ug kalipay; apan ngadto sa makasasala, siya naghatag sa kabudlay sa pagtigom ug pagpundok aron ihatag kini ngadto sa nakapahimuot sa Dios. Kini usab kakawangan ug usa lamang ka paggukod sa hangin.

Ecclesiastes 3:19

Kay ang dangatan sa mga anak sa mga tawo ug ang dangatan sa mga mananap managsama; ingon nga mamatay ang usa, mamatay usab ang usa. Silang tanan managsama ug gininhawa, ug ang tawo dili labaw sa mga mananap; kay ang tanan kakawangan man.

Ecclesiastes 6:6

Bisan pa ug mabuhi siya ug usa ka libo ka tuig sa makaduha, ug dili makapahimulos sa kaayohan, dili ba ang tanan moadto sa usa lamang ka dapit?

Ecclesiastes 7:18

Maayo nga huptan nimo kini, ug gikan niana ayaw kuhaa ang imong kamot, kay siya nga adunay kahadlok sa Dios makalikay gikan niining tanan.

Ecclesiastes 7:2

Labawng maayo ang pag-adto sa balay sa kasub-anan, kay sa pag-adto sa balay sa nagkombira; kay kini mao ang kataposan sa tanang mga tawo ug ang buhi magtipig niini sa iyang kasingkasing.

Ecclesiastes 9:11

Nakita usab nako ilalom sa adlaw nga ang lumba dili alang sa tulin, o ang gubat alang sa baskog, o ang pan alang sa maalamon, o ang mga bahandi alang ngadto sa may pagpanabot, o ang kahimuot alang sa mga tawo nga batid; apan ang panahon ug higayon nahitabo kanilang tanan.

Ecclesiastes 9:3

Daotan kini diha sa tanan nga nabuhat ilalom sa adlaw, nga usa ka sangpotanan moabot sa tanan; ang mga kasingkasing usab sa mga anak sa mga tawo puno sa kadaotan, ug ang kabuang anaa sa ilang kasingkasing samtang buhi pa sila, ug human niini mangadto sila sa mga patay.

Jeremias 43:6

ang mga lalaki, mga babaye, mga bata, mga anak nga babaye sa hari, ug ang tanang tawo nga gibilin ni Nebusaradan nga kapitan sa mga bantay kang Gedalias nga anak ni Ahikam nga anak ni Safan ug si Jeremias usab nga propeta ug si Baruk nga anak ni Nerias.

Malaquias 3:15

Ug karon ang mga mapahitas-on atong gitawag nga bulahan. Ang mga tigbuhat ug daotan wala lamang magmauswagon apan sa dihang gisulayan nila ang Dios sila nakaikyas.’ ”

Malaquias 3:18

Unya sa makausa pa, inyong mailhan ang kalainan taliwala sa matarong ug sa daotan, taliwala sa nag-alagad sa Dios ug sa wala mag-alagad kaniya.

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

1 Samuel 14:26

Ug sa pagsulod sa katawhan sa lasang, dihay dugos nga nagtulo apan walay bisan usa nga nagbutang sa iyang kamot diha sa iyang baba kay ang katawhan nahadlok sa panumpa.