Ecclesiastes 7:4

Ang Biblia 2011

Ang kasingkasing sa maalamon anaa sa balay sa kasub-anan; apan ang kasingkasing sa mga buangbuang anaa sa balay sa kalipayan.

Cross References

2 Samuel 13:28

Unya si Absalom misugo sa iyang mga sulugoon, “Timan-i ninyo sa diha nga ang kasingkasing ni Amnon magmalipayon tungod sa bino, ug sa diha nga ako moingon kaninyo, ‘Tigbasa si Amnon,’ patya siya. Ayaw kahadlok; wala ba ako magsugo kaninyo? Pagmalig-on kamo ug pagmaisogon.”

1 Mga Hari 20:16

Ug misulong sila sa pagkaudto samtang si Ben-hadad naghubog sa iyang kaugalingon didto sa mga kampo, siya ug ang 32 ka hari nga mitabang kaniya.

Ecclesiastes 2:1

Miingon ako sa akong kaugalingon, “Dali, maghimo ako ug usa ka pagsulay sa kalipay; paglipay sa imong kaugalingon.” Apan tan-awa, kini usab kakawangan

Ecclesiastes 7:3

Ang kasubo maayo pa kay sa katawa, kay tungod sa kasubo sa panagway ang kasingkasing nahimong malipayon.

Ecclesiastes 7:5

Labawng maayo alang sa tawo ang pagpamati sa pagsaway sa maalamon, kay sa pagpamati sa awit sa mga buangbuang.

Isaias 21:4

Ang akong panghunahuna nalibog, ang kahadlok nakapahadlok kanako; ang kagabhion nga akong gipangandoy nahimong pagkurog alang kanako.

Jeremias 51:39

Samtang anaa sila sa kainit, andaman ko sila ug kombira, ug hubgon sila hangtod nga sila maghudyaka, ug matulog sa dayong pagkatulog ug dili momata, nag-ingon ang Ginoo.

Jeremias 51:57

Hubgon nako ang iyang mga pangulo ug ang iyang mga maalamong tawo, ang iyang mga gobernador, ang iyang mga tigmando ug ang iyang mga manggugubat; sila mangatulog sa dayong pagkatulog ug dili momata, nag-ingon ang Hari nga ang ngalan si Yahweh sa mga panon.

Daniel 5:30

Niadto gayong gabhiona si Belsasar nga hari nga Caldeanhon gipatay.

Oseas 7:5

Sa adlaw sa atong hari ang mga pangulo nangahubog tungod sa kaisog sa bino; iyang gituy-od ang iyang kamot uban sa mga mabiaybiayon.

Nahum 1:10

Sama sa tunok sila nangagapos, sama sa mga palahubog sila nangahubog; sila nangapuo sama sa mga dagami.

1 Samuel 25:36

Si Abigail miadto kang Nabal ug iyang nakita nga naghimo siya ug usa ka kasaulogan sa iyang balay, sama sa kasaulogan sa usa ka hari, ug ang kasingkasing ni Nabal malipayon sa sulod niya, kay siya nahubog pag-ayo. Busa si Abigail wala magsugilon ug bisan unsa kaniya hangtod sa pagkabuntag.

1 Samuel 30:16

Sa diha nga gidala na niya siya, ilang nakita nga sila nagkatag sa tibuok yuta, nangaon ug nanginom ug nanayaw tungod sa kadaghan sa mga inilog nga ilang nakuha gikan sa yuta sa mga Filistihanon ug gikan sa yuta sa Juda.