Ecclesiastes 6:2

Ang Biblia 2011

ang tawo nga gihatagan sa Dios ug katigayonan, kabtangan ug kadungganan, aron siya dili makulangan sa tanan niyang gitinguha, apan ang Dios wala maghatag kaniya ug gahom aron pagpahimulos niini, apan ang dumuduong maoy nagpahimulos niini; kini kakawangan; kini usa ka daotan nga kasakitan.

Cross References

1 Mga Hari 3:13

Ug ako maghatag usab kanimo sa wala nimo pangayoa: mga bahandi ug dungog, aron walay laing hari nga ikatandi kanimo sa tanan nimong mga adlaw.

1 Cronicas 29:25

Ang Ginoo naghatag kang Solomon ug dakong dungog diha sa panan-aw sa tibuok Israel, ug mihatag kaniya sa maong kaharianong pagkahalangdon nga walay sama ni bisan kinsang hari nga una kaniya sa Israel.

1 Cronicas 29:28

Unya siya namatay nga tigulang kaayo, puno sa mga adlaw, kadato ug dungog. Ug si Solomon nga iyang anak naghari puli kaniya.

2 Cronicas 1:11

Unya ang Dios mitubag kang Solomon, “Tungod kay kini anaa sa imong kasingkasing ug ikaw wala mangayo ug mga kabtangan, bahandi, dungog o sa kinabuhi sa nagdumot kanimo, ug wala gani mangayo ug taas nga kinabuhi kondili nangayo sa kaalam ug kahibalo alang sa imong kaugalingon, aron ikaw makamando sa akong katawhan, nga sa ibabaw nila ikaw gihimo nako nga hari,

Salmo 17:14

gikan sa mga tawo, pinaagi sa imong kamot, O Ginoo, gikan sa mga tawo nga ang bahin sa kinabuhi iya sa kalibotan. Mapuno unta ang ilang tiyan sa unsay imong gitagana alang kanila; makabaton unta ang ilang mga anak ug labaw pa; magbilin unta sila alang sa ilang mga bata.

Salmo 39:6

Sa pagkatinuod, ang matag tawo naglakaw ingon sa usa ka anino! Sa pagkatinuod, ang ilang kaguliyang kawang lamang; siya nagtigom ug wala mahibalo kon kinsa ang makaangkon niini.

Salmo 73:7

Ang ilang mga mata nagbudlat sa katambok; ang ilang kasingkasing nag-awas sa kabuang.

Ecclesiastes 4:4

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

Ecclesiastes 4:8

usa ka tawo nga nag-inusara, walay anak o igsoon, apan walay kataposan ang tanan niyang paghago, ug ang iyang mga mata wala gayod matagbaw sa mga bahandi, mao nga siya mangutana, “Alang kang kinsa ako naghago ug naghikaw sa akong kaugalingon sa kalipay?” Kini usab kakawangan ug usa ka makasusubo nga buluhaton.

Ecclesiastes 5:13

Adunay usa ka hilabihan nga pagkadaotan nga akong nakita ilalom sa adlaw: ang mga bahandi nga gitipigan sa tag-iya niini alang sa iyang kadaotan,

Ecclesiastes 5:16

Kini usab usa ka hilabihan nga pagkadaotan, sama sa iyang pag-anhi, mao usab ang iyang pag-adto. Ug unsay makuha niya nga siya naghago man alang sa hangin,

Ecclesiastes 5:18

Tan-awa, ang akong nakita nga maayo ug angay mao ang pagkaon ug pag-inom ug pagpangita sa kalipay diha sa tanang paghago, diin ang usa naghago ilalom sa adlaw sa pipila lamang ka adlaw sa iyang kinabuhi nga gihatag sa Dios kaniya kay kini mao man ang iyang bahin.

Ecclesiastes 5:19

Ang matag tawo usab nga gihatagan sa Dios ug mga bahandi ug katigayonan ug gahom aron makapahimulos niini, ug sa pagdawat sa iyang bahin ug pagpahimulos diha sa iyang paghago—kini mao ang gasa sa Dios.

Isaias 55:2

Nganong maggasto man kamo sa inyong salapi alang sa dili pan, ug sa inyong hinagoan alang niadtong dili makatagbaw? Pamati kamo pag-ayo kanako, ug kaona unsay maayo, ug palipaya ang inyong kaugalingon diha sa katambok.

Mga Pagbangotan 5:2

Ang among panulundon gitugyan ngadto sa mga langyaw, ang among mga balay ngadto sa mga dumuduong.

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Oseas 7:9

Ang mga langyaw naglamoy sa iyang kusog, ug siya wala mahibalo niini, ang mga ubanon nga buhok anaa na kaniya ug siya wala mahibalo niini.

Deuteronomio 28:33

Ang nasod nga wala ninyo mailhi maoy magkaon sa abot sa inyong yuta ug sa tanan ninyong hinagoan, ug daogdaogon kamo ug paantoson sa kanunay,

Deuteronomio 28:43

Ang langyaw nga anaa uban kaninyo mag-anam ug uswag ibabaw kaninyo ug kamo mag-anam ug us-os.

Mga Maghuhukom 18:10

Sa diha nga mangadto kamo, moabot kamo sa usa ka katawhan nga walay pagduda. Ang yuta dako ug ang Dios naghatag niana nganha sa inyong kamot, usa ka dapit diin walay makulang sa bisan unsang butang sa kalibotan.”