Ecclesiastes 3:3

Ang Biblia 2011

panahon sa pagpatay, ug panahon sa pag-ayo; panahon sa paglumpag, ug panahon sa pagtukod;

Cross References

Genesis 9:6

Si bisan kinsa nga magpaagas ug dugo sa tawo, pinaagi sa tawo ang iyang dugo paagason, kay gibuhat sa Dios ang tawo sama sa iyang dagway.

Isaias 44:26

nga nagpamatuod sa pulong sa iyang sulugoon, ug nagbuhat sa tambag sa iyang mga sinugo; nga nag-ingon mahitungod sa Jerusalem, ‘Siya puy-an,’ ug mahitungod sa mga siyudad sa Juda, ‘Sila tukoron ug patindogon nako ang ilang mga guba;’

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Jeremias 1:10

Tan-awa, ako nagpahiluna kanimo niining adlawa ibabaw sa kanasoran ug ibabaw sa mga gingharian, sa paglangkat ug sa paggun-ob, sa paglaglag ug sa pagpukan, sa pagtukod ug sa pagtanom.”

Jeremias 31:28

Ug ingon nga ako nagbantay kanila sa pag-ibot ug sa paglumpag, sa pagpukan, sa paglaglag ug sa pagdala ug kadaot, bantayan usab nako kini sa pagtukod ug pagtanom, nag-ingon ang Ginoo.

Jeremias 33:6

Dad-an nako kini ug maayong panglawas ug kaayohan sa sakit ug ayohon nako sila ug ipadayag kanila ang kadagaya sa pagkamauswagon ug kasigurohan.

Jeremias 45:4

Busa mao kini ang isulti kaniya, Mao kini ang giingon sa Ginoo: Unsay akong gitukod akong tumpagon ug unsay akong gitanom, akong ibton—kini mao ang tibuok nga yuta.

Ezequiel 13:14

Busa gub-on nako ang paril nga inyong gibulitan ug tumpagon nako kini ngadto sa yuta, sa pagkaagi nga ang patukoranan niini madayag. Sa diha nga kini mapukan, kamo mangalaglag taliwala niini, ug kamo makaila nga ako mao ang Ginoo.

Hageo 1:2

“Mao kini ang gisulti sa Ginoo sa mga panon: Kining katawhan nag-ingon nga ang panahon sa pagtukod pag-usab sa balay sa Ginoo wala pa moabot.”

Hageo 1:4

“Panahon na ba alang kaninyo nga kamo magpuyo sa inyong mga binungbongan nga balay, samtang kining balaya nagpabilin nga guba?

Zacarias 1:12

Unya ang anghel sa Ginoo miingon, ‘O Ginoo sa mga panon, hangtod kanus-a ba nga ikaw dili maluoy sa Jerusalem ug sa mga siyudad sa Juda nga imong gikasilagan sulod niining 70 ka tuig?’

Deuteronomio 32:39

“ ‘Tan-awa ninyo, karon nga ako, bisan ako, mao siya, ug walay dios gawas kanako. Ako nagpatay ug ako nagbuhi; ako nagsamad ug ako nag-ayo; ug walay makalingkawas gikan sa akong kamot.

1 Samuel 2:25

Kon ang usa ka tawo makasala batok sa laing tawo, ang Dios magpataliwala alang kaniya, apan kon ang usa ka tawo makasala batok sa Ginoo, kinsa may magpataliwala alang kaniya?” Bisan pa niana, sila wala mamati sa tingog sa ilang amahan tungod kay maoy kabubut-on sa Ginoo ang pagpatay kanila.

1 Samuel 2:6

Ang Ginoo mopatay ug mohatag pagbalik sa kinabuhi; siya mobanlod ngadto sa Sheol ug magbanhaw.