Ecclesiastes 2:8

Ang Biblia 2011

Nagtigom usab ako alang sa akong kaugalingon ug plata ug bulawan, ug bahandi sa mga hari ug sa mga lalawigan. Aduna akoy mag-aawit nga mga lalaki ug mga babaye, ug daghang mga puyopuyo, katagbawan sa tawo.

Cross References

2 Samuel 19:35

Ako 80 na ka tuig ang panuigon niining adlawa. Makaila pa ba ako sa unsay maayo ug sa dili? Makatilaw ba ang imong sulugoon kon unsay iyang gikaon o unsay iyang giinom? Makapamati pa ba ako sa mga mag-aawit nga lalaki ug sa mga mag-aawit nga babaye? Busa ngano nga ang imong sulugoon himoon pa man nga dugang nga palas-anon sa akong agalon nga hari?

1 Mga Hari 10:10

Unya iyang gihatagan ang hari ug 120 ka talanton nga bulawan ug daghan kaayong mga panakot ug mga mahalon nga bato; wala gayoy sama sa gidaghanon sa mga panakot nga gihatag sa rayna sa Seba ngadto kang Hari Solomon.

1 Mga Hari 10:14

Ug ang gibug-aton sa bulawan nga miabot kang Solomon sa usa ka tuig, 666 ka talanton nga bulawan,

1 Mga Hari 10:21

Ang tanang imnanan ni Hari Solomon bulawan ug ang tanang galamiton sa Balay sa Lasang sa Lebanon lunsay nga bulawan. Walay hinimo gikan sa plata kay kini walay bili sa panahon ni Solomon.

1 Mga Hari 11:3

Ug aduna siyay pito ka gatos ka asawa nga mga princesa, ug tulo ka gatos ka mga puyopuyo, ug ang iyang mga asawa nakapasimang sa iyang kasingkasing.

1 Mga Hari 14:27

Ug si Hari Rehoboam naghimo ug mga taming nga bronsi puli niini ug gitugyan niya kini ngadto sa kamot sa mga tinugyanan sa mga bantay nga nagbantay sa ganghaan sa balay sa hari.

1 Mga Hari 9:14

Apan si Hiram nagpadala ngadto sa hari ug 120 ka talanton nga bulawan.

1 Mga Hari 9:28

Ug sila miadto sa Ofir ug nagdala gikan didto ug bulawan nga 420 ka talanton ug gidala nila kini ngadto kang Haring Solomon.

1 Cronicas 25:1

Si David ug ang mga pangulo sa kasundalohan migahin usab alang sa pag-alagad sa pipila sa mga anak nga lalaki ni Asaf, ni Heman, ni Jedutun, nga magpropesiya uban sa mga lira, mga alpa ug mga piyangpiyang. Ang lista niadtong nagbuhat sa buluhaton ug sa ilang katungdanan mao kini:

1 Cronicas 25:6

Silang tanan ilalom sa pagdumala sa ilang amahan sa musika diha sa balay sa Ginoo, uban sa mga piyangpiyang, mga alpa ug mga lira alang sa pag-alagad diha sa balay sa Dios. Si Asaf, si Jedutun ug si Heman ilalom sa pagmando sa hari.

2 Cronicas 9:11

Ug ang mga algum nga kahoy gihimo sa hari nga hagdanan sa balay sa Ginoo ug sa balay sa hari, mga lira usab ug mga alpa alang sa mga mag-aawit; walay nakita nga sama niini kaniadto sa yuta sa Juda.

Esdras 2:65

walay labot sa ilang mga sulugoon nga lalaki ug sulugoon nga babaye nga 7,337, ug sila adunay 200 ka lalaki ug babaye nga mga mag-aawit.

Ecclesiastes 1:2

Kakawangan sa mga kakawangan, nag-ingon ang Magwawali, kakawangan sa mga kakawangan! Ang tanan kakawangan.

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Daniel 3:5

nga sa dihang makadungog kamo sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon kinahanglang mohapa kamo ug mosimba sa larawan nga bulawan nga gipatindog ni Hari Nabucodonosor.

Daniel 3:7

Busa sa pagkadungog sa tanang mga katawhan sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, ang tanang mga katawhan, ang mga nasod ug ang mga pinulongan nanghapa ug misimba sa larawan nga bulawan nga gipatindog ni Hari Nabucodonosor.

Amos 6:5

sila nga nag-awit ug mga alawiton nga walay hinungdan dinuyogan sa huni sa alpa, ug sama kang David nagmugna alang sa ilang kaugalingon ug mga tulunggon;