Ecclesiastes 2:6

Ang Biblia 2011

Nagbuhat ako alang sa akong kaugalingon ug mga pundohanan sa tubig, aron nga gikan niini matubigan ang lasang diin nagtubo ang mga kahoy.

Cross References

Nehemias 2:14

Unya mipadayon ako ngadto sa Ganghaan sa Tuboran ug sa Lanaw sa Hari, apan walay dapit nga kaagian sa mananap nga akong gisakyan.

Nehemias 2:8

ug usab usa ka sulat alang kang Asaf nga tigbantay sa kalasangan sa hari, aron hatagan niya ako ug kahoy nga buhatong mga sagbayan sa mga ganghaan sa kuta sa Templo ug alang sa paril sa siyudad ug alang sa balay nga akong puy-an.” Ug ang hari mihatag kanako sa akong gipangayo kay ang maayong kamot sa akong Dios ania kanako.

Nehemias 3:15

Si Sallum nga anak ni Colhose ug pangulo sa distrito sa Mispa maoy nag-ayo sa Ganghaan sa Tuboran. Gitukod niya kini pag-usab ug gitabonan kini ug gipatindog ang mga pultahan niini, ang mga tarugo niini ug ang mga trangka niini. Iyang gitukod ang paril sa Lanaw sa Sela sa tanaman sa hari hangtod sa mga hagdan paingon sa Siyudad ni David.

Nehemias 3:16

Sunod kaniya maoy nag-ayo si Nehemias nga anak ni Asbuk, ang pangulo sa katunga nga distrito sa Bet-sur, sa dapit atbang sa mga lubnganan ni David ug ngadto sa binuhat nga linaw ug sa balay sa bantogang mga tawo.

Salmo 1:3

Siya sama sa kahoy nga gitanom daplin sa kasapaan sa tubig, nga naghatag sa iyang bunga sa iyang panahon, ug ang iyang dahon dili malaya. Sa tanan niyang gibuhat siya nagmauswagon.

Awit sa mga Awit 7:4

Ang imong liog sama sa usa ka tore nga tango sa elepante. Ang imong mga mata mga linaw sa Hesbon, duol sa ganghaan sa Bat-rabim. Ang imong ilong sama sa tore sa Lebanon nga naglantaw ngadto sa Damasco.

Jeremias 17:8

Siya sama sa kahoy nga gitanom sa daplin sa tubig, nga nagpakatay sa mga gamot niini sa daplin sa suba, ug dili mahadlok kon moabot ang kainit, kay ang mga dahon niini nagpabilin nga lunhaw, ug dili mabalaka sa tuig nga hulaw, kay dili kini mohunong sa pagpamunga.”