Ecclesiastes 2:4

Ang Biblia 2011

Nagbuhat ako ug dagkong mga buluhaton; nagtukod ako ug mga balay ug nagtanom ug mga parasan alang sa akong kaugalingon;

Cross References

Genesis 11:4

Unya miingon sila, “Dali, magbuhat kita alang kanato ug usa ka siyudad ug usa ka tore nga ang tumoy mosangko sa langit, ug magbuhat kita alang kanato ug usa ka ngalan kay tingali unya ug nagkatibulaag kita sa tibuok kalibotan.”

2 Samuel 18:18

Sa buhi pa si Absalom siya nagkuha ug nagpatindog ug usa ka haligi alang sa iyang kaugalingon, nga anaa sa Walog sa Hari, kay siya miingon, “Wala akoy anak nga lalaki nga magpahinumdom sa akong ngalan,” ug iyang ginganlan ang haligi sa iyang kaugalingong ngalan ug kini gitawag nga monyumento ni Absalom hangtod niining adlawa.

1 Mga Hari 15:19

“Tugoti nga may panag-abin tali kanako ug kanimo, sa akong amahan ug sa imong amahan. Tan-awa, ako nagpadala kanimo ug gasa nga plata ug bulawan. Lakaw, bugtoa ang inyong panag-abin ni Baasa nga hari sa Israel, aron siya mopahawa gikan kanako.”

1 Mga Hari 9:1

Ug sa dihang nahuman na pagtukod ni Solomon ang balay sa Ginoo ug ang balay sa hari ug ang tanang gitinguha ni Solomon pagbuhat,

1 Cronicas 27:27

Ug sa mga kaparasan, si Simei nga taga-Rama, ug sa mga abot sa kaparasan diha sa mga tipiganan sa bino mao si Zabdi nga taga-Sefam.

2 Cronicas 26:10

Siya nagtukod ug mga tore didto sa kamingawan ug nagkalot ug daghang mga atabay kay daghan man siya ug mga hayop didto sa Sefela ug sa kapatagan, ug siya adunay mga mag-uuma ug mga tig-atiman sa kaparasan sa kabukiran ug sa mga tabunok nga yuta kay siya mahigugmaon sa yuta.

2 Cronicas 8:11

Gidala ni Solomon ang anak nga babaye sa Paraon gikan sa siyudad ni David ngadto sa balay nga iyang gitukod alang kaniya kay siya miingon, “Ang akong asawa dili magpuyo sa balay ni David nga hari sa Israel, kay ang mga dapit nga dad-an sa sudlanan sa kasabotan sa Ginoo balaan.”

Salmo 49:11

Ang ilang lubnganan mao ang ilang puluy-anan hangtod sa kahangtoran, ang ilang mga puluy-anan ngadto sa tanang mga kaliwatan, bisan ug nganlan nila ang kayutaan nga ilang kaugalingon.

Awit sa mga Awit 1:14

Ang akong hinigugma alang kanako sama sa usa ka pungpong sa ihalas nga mga bulak, diha sa parasan sa En-gedi.

Awit sa mga Awit 7:12

mangadto kita ug sayo sa parasan, ug tan-awon nato kon namutot na ba ang paras, kon ang udlot sa paras mibuklad na ba ug ang mga granada namulak. Didto ihatag nako kanimo ang akong gugma.

Isaias 5:1

Paawita ako alang sa akong hinigugma ug usa ka awit sa gugma mahitungod sa iyang parasan: Ang akong hinigugma adunay usa ka parasan diha sa usa ka tabunok nga bungtod.

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”