Biblia Todo Logo
Cross References

- Mga paanunsiyo -



Ecclesiastes 2:3

Ang Biblia 2011

Gisusi nako sulod sa akong kasingkasing unsaon paglingaw sa akong lawas pinaagi sa bino—ang akong kasingkasing naggiya gihapon kanako pinaagi sa kaalam—ug unsaon paghupot sa binuang, hangtod nga akong nakita kon unsay maayo alang sa mga anak sa mga tawo ubos sa langit sulod sa pipila ka adlaw sa ilang kinabuhi.

Tan-awa ang kapitulo Kopyaha

22 Cross References  

Si Jacob mitubag sa Paraon, “Ang mga adlaw sa mga tuig sa akong pagpanaw, 130 ka tuig. Diyotay ug lisod ang mga adlaw sa mga tuig sa akong kinabuhi ug kini wala makaabot sa mga adlaw sa mga tuig sa akong katigulangan, sa mga adlaw sa ilang pagpanaw.”

Kon ang tawo mamatay, mabuhi ba siya pag-usab? Sa tanang adlaw sa akong pagpangalagad, ako magpaabot, hangtod nga ang akong kagawasan moabot.

ug sa bino nga makalipay sa kasingkasing sa tawo, lana nga makapasinaw sa iyang nawong, ug pan nga makapalig-on sa kasingkasing sa tawo.

Ang bino tigbugalbugal, ang isog nga ilimnon tighimo ug kasamok, ug si bisan kinsa nga mahisalaag tungod niini dili maalamon.

Ug gigamit nako ang akong kasingkasing sa pag-ila sa kaalam, ug pag-ila sa kabuang ug binuang. Akong nasuta nga kini usab usa lamang ka paggukod sa hangin.

Ang pan gihimo alang sa pagkatawa, ug ang bino maglipay sa kinabuhi; ug ang salapi magtubag sa tanang mga butang.

Kini mao ang kataposan sa maong butang; ang tanan nadungog na. Kahadloki ang Dios, ug tumana ang iyang mga sugo, kay kini mao ang tibuok nga katungdanan sa tawo.

Wala nay lain nga maayo alang sa tawo nga siya kinahanglang mokaon ug moinom, ug makakaplag ug kalipay sa iyang paghago. Kini usab, akong nakita nga gikan sa kamot sa Dios.

Tan-awa, ang akong nakita nga maayo ug angay mao ang pagkaon ug pag-inom ug pagpangita sa kalipay diha sa tanang paghago, diin ang usa naghago ilalom sa adlaw sa pipila lamang ka adlaw sa iyang kinabuhi nga gihatag sa Dios kaniya kay kini mao man ang iyang bahin.

Kay kinsa man ang nasayod kon unsay maayo alang sa tawo samtang siya nagkinabuhi sa pipila lamang ka adlaw sa iyang kawang nga kinabuhi nga iyang gipalabay ingon sa usa ka anino? Kay kinsa ba ang makasugilon sa tawo kon unsay mahitabo human kaniya ilalom sa adlaw?

Maayo nga huptan nimo kini, ug gikan niana ayaw kuhaa ang imong kamot, kay siya nga adunay kahadlok sa Dios makalikay gikan niining tanan.

Akong gigamit ang akong panghunahuna sa pag-ila ug sa pagsusi ug sa pagpangita sa kaalam ug sa kinatibuk-an sa mga butang, ug sa pag-ila sa pagkadaotan sa binuang, ug sa binuang nga mao ang kabuang.

Ug akong gidayeg ang pagkalipay, tungod kay walay maayo alang sa tawo gawas sa pagkaon ug sa pag-inom ug sa paglipay, tungod kay kini magpabilin kaniya sa iyang paghago diha sa tanang mga adlaw sa iyang kinabuhi nga gihatag sa Dios kaniya ilalom sa adlaw.

“Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.

Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu.

Apan ang paras miingon kanila, ‘Biyaan ba nako ang akong bino nga makalipay sa Dios ug sa mga tawo ug moadto aron sa paglubaylubay ibabaw sa mga kahoy?’

Si Abigail miadto kang Nabal ug iyang nakita nga naghimo siya ug usa ka kasaulogan sa iyang balay, sama sa kasaulogan sa usa ka hari, ug ang kasingkasing ni Nabal malipayon sa sulod niya, kay siya nahubog pag-ayo. Busa si Abigail wala magsugilon ug bisan unsa kaniya hangtod sa pagkabuntag.




Sunda kami:

Mga paanunsiyo


Mga paanunsiyo