Ecclesiastes 2:10

Ang Biblia 2011

Bisan unsa nga gitinguha sa akong mga mata ako wala magdumili niini; wala nako pugngi ang akong kasingkasing sa bisan unsa nga kalipay, kay ang akong kasingkasing nakakaplag ug kalipay diha sa tanan nakong paghago ug kini mao ang akong ganti sa tanan nakong paghago.

Cross References

Genesis 3:6

Ug sa dihang nakita sa babaye nga ang kahoy maayong kaonon ug nga kini makalipay sa mga mata ug nga ang kahoy angay nga tinguhaon aron mahimong maalamon, mikuha siya sa bunga niini ug mikaon. Ug gihatagan niya ang iyang bana nga uban kaniya ug mikaon siya.

Genesis 6:2

ang mga anak nga lalaki sa Dios nakakita nga ang mga anak nga babaye sa mga tawo maanyag ug nangasawa sila sumala sa ilang napili.

Job 31:1

“Ako naghimo ug pakigsaad uban sa akong mga mata; unsaon man nako pagsud-ong sa usa ka ulay?

Salmo 119:37

Ilikay ang akong mga mata gikan sa pagtan-aw sa kakawangan; hatagi ako ug kadasig diha sa imong mga dalan.

Salmo 128:2

Magkaon ikaw sa bunga sa kabudlay sa imong mga kamot; magmalipayon ikaw, ug magmaayo kini alang kanimo.

Mga Panultihon 23:5

Sa diha nga ang imong mata magtan-aw niini, kini mawala; kay sa kalit kini makabaton ug mga pako, molupad sama sa usa ka agila paingon sa langit.

Ecclesiastes 11:9

Paglipay, O batan-ong lalaki, sa imong pagkabatan-on, ug itugot nga ang imong kasingkasing magdasig kanimo sa mga adlaw sa imong pagkabatan-on. Lakaw diha sa mga pamaagi sa imong kasingkasing ug sa panan-aw sa imong mga mata. Apan hibaloi nga niining tanang mga butang, ang Dios maghukom kanimo.

Ecclesiastes 2:1

Miingon ako sa akong kaugalingon, “Dali, maghimo ako ug usa ka pagsulay sa kalipay; paglipay sa imong kaugalingon.” Apan tan-awa, kini usab kakawangan

Ecclesiastes 2:22

Unsay naangkon sa tawo gikan sa tanan niyang paghago, ug paningkamot diin naghago siya ilalom sa adlaw?

Ecclesiastes 2:24

Wala nay lain nga maayo alang sa tawo nga siya kinahanglang mokaon ug moinom, ug makakaplag ug kalipay sa iyang paghago. Kini usab, akong nakita nga gikan sa kamot sa Dios.

Ecclesiastes 3:22

Busa akong nakita nga wala nay laing maayo kay sa usa ka tawo nga maglipay diha sa iyang mga buhat, kay kini mao ang iyang bahin. Kinsay makadala kaniya aron sa pagtan-aw kon unsay mahitabo sunod kaniya?

Ecclesiastes 5:10

Siya nga nahigugma sa salapi dili matagbaw sa salapi o siya nga nahigugma sa bahandi dili matagbaw sa tubo. Kini kakawangan usab.

Ecclesiastes 5:17

ug sa tanan niyang mga adlaw nagkaon diha sa kangitngit ug kagul-anan uban ang dakong kasamok, kasakit ug kasuko?

Ecclesiastes 5:18

Tan-awa, ang akong nakita nga maayo ug angay mao ang pagkaon ug pag-inom ug pagpangita sa kalipay diha sa tanang paghago, diin ang usa naghago ilalom sa adlaw sa pipila lamang ka adlaw sa iyang kinabuhi nga gihatag sa Dios kaniya kay kini mao man ang iyang bahin.

Ecclesiastes 6:2

ang tawo nga gihatagan sa Dios ug katigayonan, kabtangan ug kadungganan, aron siya dili makulangan sa tanan niyang gitinguha, apan ang Dios wala maghatag kaniya ug gahom aron pagpahimulos niini, apan ang dumuduong maoy nagpahimulos niini; kini kakawangan; kini usa ka daotan nga kasakitan.

Ecclesiastes 6:9

Labaw nga maayo ang panan-aw sa mga mata kay sa pagpahisalaag sa tinguha. Kini kakawangan usab ug usa lamang ka paggukod sa hangin.

Ecclesiastes 8:15

Ug akong gidayeg ang pagkalipay, tungod kay walay maayo alang sa tawo gawas sa pagkaon ug sa pag-inom ug sa paglipay, tungod kay kini magpabilin kaniya sa iyang paghago diha sa tanang mga adlaw sa iyang kinabuhi nga gihatag sa Dios kaniya ilalom sa adlaw.

Ecclesiastes 9:6

Ang ilang gugma ug ang ilang pagdumot ug ang ilang kasina nangawala na ug hangtod sa kahangtoran wala na silay bahin pa sa bisan unsa nga butang nga gibuhat ilalom sa adlaw.

Ecclesiastes 9:9

Pagpuyo nga malipayon uban sa imong asawa nga imong gihigugma, sa tanang mga adlaw sa imong kinabuhi nga walay kapuslanan nga gihatag kanimo ilalom sa adlaw, kay kana mao ang imong bahin sa kinabuhi ug sa imong paghago nga imong gibuhat ilalom sa adlaw.

1 Juan 2:16

Kay ang tanan nga anaa sa kalibotan, ang pangibog sa unod ug ang pangibog sa mga mata ug ang garbo sa kinabuhi, dili gikan sa Amahan kondili sa kalibotan.

Mga Maghuhukom 14:2

Ug siya mitungas ug misugilon sa iyang amahan ug inahan, “Nakita nako ang usa sa mga anak nga babaye sa mga Filistihanon didto sa Timna, busa karon, kuhaa siya alang kanako aron akong maasawa.”