Ecclesiastes 1:3

Ang Biblia 2011

Unsay makuha sa tawo gikan sa tanan niyang paghago, diin naghago siya ilalom sa adlaw?

Cross References

Ecclesiastes 2:11

Unya giisip nako ang tanan nga nahimo sa akong mga kamot, ug ang paghago nga akong gigugol sa pagbuhat niini, ug akong nakita nga ang tanan kakawangan lamang ug usa lamang ka paggukod sa hangin, ug wala nay makuha ilalom sa adlaw.

Ecclesiastes 2:18

Gidumtan nako ang tanan nakong paghago nga akong gihagoan ilalom sa adlaw, sa nakita nako nga kinahanglang ibilin kini sa tawo nga mopuli kanako.

Ecclesiastes 2:19

Ug kinsay nasayod kon siya tawo ba nga maalamon o usa ba ka buangbuang? Bisan pa niana, siya magmando ibabaw sa tanan nakong gihagoan ug gigamitan sa akong kaalam ilalom sa adlaw. Kini kakawangan usab.

Ecclesiastes 2:22

Unsay naangkon sa tawo gikan sa tanan niyang paghago, ug paningkamot diin naghago siya ilalom sa adlaw?

Ecclesiastes 3:9

Unsay makuha sa magbubuhat gikan sa iyang paghago?

Ecclesiastes 4:3

Apan maayo pa kay kanilang duha siya nga wala pa matawo, ug wala makakita sa daotang buhat nga nahimo ilalom sa adlaw.

Ecclesiastes 4:7

Nakita na usab nako ang kakawangan ilalom sa adlaw:

Ecclesiastes 5:16

Kini usab usa ka hilabihan nga pagkadaotan, sama sa iyang pag-anhi, mao usab ang iyang pag-adto. Ug unsay makuha niya nga siya naghago man alang sa hangin,

Ecclesiastes 5:18

Tan-awa, ang akong nakita nga maayo ug angay mao ang pagkaon ug pag-inom ug pagpangita sa kalipay diha sa tanang paghago, diin ang usa naghago ilalom sa adlaw sa pipila lamang ka adlaw sa iyang kinabuhi nga gihatag sa Dios kaniya kay kini mao man ang iyang bahin.

Ecclesiastes 6:12

Kay kinsa man ang nasayod kon unsay maayo alang sa tawo samtang siya nagkinabuhi sa pipila lamang ka adlaw sa iyang kawang nga kinabuhi nga iyang gipalabay ingon sa usa ka anino? Kay kinsa ba ang makasugilon sa tawo kon unsay mahitabo human kaniya ilalom sa adlaw?

Ecclesiastes 7:11

Ang kaalam maayo sama sa usa ka kabilin, usa ka kaayohan niadtong nakakita sa adlaw.

Ecclesiastes 9:13

Ako nakakita usab niining panig-ingnan sa kaalam ilalom sa adlaw, ug kini daw dako alang kanako.

Ecclesiastes 9:3

Daotan kini diha sa tanan nga nabuhat ilalom sa adlaw, nga usa ka sangpotanan moabot sa tanan; ang mga kasingkasing usab sa mga anak sa mga tawo puno sa kadaotan, ug ang kabuang anaa sa ilang kasingkasing samtang buhi pa sila, ug human niini mangadto sila sa mga patay.

Ecclesiastes 9:6

Ang ilang gugma ug ang ilang pagdumot ug ang ilang kasina nangawala na ug hangtod sa kahangtoran wala na silay bahin pa sa bisan unsa nga butang nga gibuhat ilalom sa adlaw.

Isaias 55:2

Nganong maggasto man kamo sa inyong salapi alang sa dili pan, ug sa inyong hinagoan alang niadtong dili makatagbaw? Pamati kamo pag-ayo kanako, ug kaona unsay maayo, ug palipaya ang inyong kaugalingon diha sa katambok.

Habacuc 2:13

Tan-awa, dili ba kini gikan sa Ginoo sa mga panon nga ang katawhan magbuhat lamang alang sa kalayo, ug ang kanasoran naghago sa ilang kaugalingon alang sa kakawangan?

Habacuc 2:18

Unsa ang kapuslanan sa diosdios kon ang tighimo nagkulit niini, sa tinunaw nga larawan, magtutudlo sa kabakakan? Kay ang tighimo nagsalig sa iyang kaugalingong binuhat sa dihang naghimo siya ug mga amang nga diosdios!

Mateo 16:26

Kay unsa may kapuslanan alang sa usa ka tawo kon maangkon niya ang tibuok kalibotan apan kawad-an sa iyang kinabuhi? O unsa may ikahatag sa tawo ingon nga bugti sa iyang kinabuhi?

Juan 6:27

Ayaw kamo paghago alang sa pagkaon nga mahanaw ra kondili alang sa pagkaon nga molungtad ngadto sa kinabuhing dayon nga ihatag kaninyo sa Anak sa Tawo kay diha kaniya ang Dios nga Amahan nagpatik sa iyang timaan.”

1 Mga Taga-Corinto 16:16

Naghangyo ako kaninyo nga kamo magpailalom sa mga tawo nga ingon kanila ug sa tanang mga kauban sa buhat ug magbubuhat.