Daniel 9:8

Ang Biblia 2011

Kanamo, O Ginoo, ang kaulawan, sa among mga hari, sa among mga pangulo, ug sa among mga katigulangan, tungod kay nakasala kami batok kanimo.

Cross References

2 Mga Hari 21:15

tungod kay gibuhat nila ang daotan sa akong atubangan ug gihagit ako sa pagkasuko, sukad niadtong adlaw nga ang ilang katigulangan migawas gikan sa Ehipto, hangtod niining adlawa.”

2 Cronicas 6:37

apan kon sila makahunahuna sa ilang kaugalingon didto sa yuta diin sila mabihag, ug maghinulsol ug mangaliyupo kanimo didto sa yuta sa ilang pagkabihag, nga mag-ingon, ‘Kami nakasala ug nagbuhat ug sukwahi ug daotan,’

Nehemias 1:6

papamatia ang imong mga dalunggan ug bukha ang imong mga mata aron sa pagpamati sa pag-ampo sa imong alagad, nga gipangamuyo nako karon diha sa imong atubangan, adlaw ug gabii alang sa katawhan sa Israel nga imong mga alagad, nagsugid ako sa mga sala sa katawhan sa Israel nga among nabuhat batok kanimo. Oo, ako ug ang panimalay sa akong katigulangan nakasala.

Isaias 64:4

Gikan pa sa karaang panahon walay nakabati o nakasabot pinaagi sa igdulungog, walay mata nga nakakita ug usa ka Dios gawas kanimo, nga nagbuhat alang niadtong naghulat kaniya.

Jeremias 14:20

Among giila ang among pagkadaotan, O Ginoo, ug ang kasal-anan sa among mga katigulangan kay nakasala kami batok kanimo.

Jeremias 32:32

tungod sa tanang kadaotan sa mga anak sa Israel ug sa mga anak sa Juda, nga ilang gihimo aron sa paghagit kanako sa pagkasuko—ang ilang mga hari ug ang ilang mga pangulo, ang ilang mga pari ug ang ilang mga propeta, ug ang mga tawo sa Juda ug ang mga nagpuyo sa Jerusalem.

Jeremias 7:19

Ako ba ang ilang gihagit sa pagkasuko? nag-ingon ang Ginoo. Dili ba ang ilang kaugalingon, ngadto sa ilang kaugalingong kalibog?

Mga Pagbangotan 1:18

“Ang Ginoo anaa sa matarong kay ako misukol batok sa iyang pulong; apan pamati, kamong tanan nga katawhan, ug sud-onga ang akong kasubo; ang akong mga ulay ug ang akong mga batan-ong lalaki nahimong mga binihag.

Mga Pagbangotan 3:42

“Kami nakalapas ug misukol ug ikaw wala magpasaylo.

Mga Pagbangotan 5:16

Ang purongpurong nahulog gikan sa among ulo; alaot kami, kay kami nakasala!

Ezequiel 16:63

aron ikaw mahinumdom ug malibog, ug dili na gayod makabuka pag-usab sa imong baba tungod sa imong kaulaw, sa diha nga ako magpasaylo kanimo sa tanan nimong nabuhat, nag-ingon ang Ginoong Dios.”

Ezequiel 5:6

Ug siya misupil batok sa akong mga tulumanon pinaagi sa pagbuhat ug daotan labaw pa kay sa mga nasod, ug batok sa akong mga lagda labaw pa kay sa kayutaan nga naglibot kaniya pinaagi sa pagsalikway sa akong mga tulumanon ug sa wala pagsubay sa akong mga lagda.

Daniel 9:9

Sa Ginoo nga among Dios, iya ang mga kaluoy ug ang pagpasaylo tungod kay kami misukol man kaniya,