Daniel 9:7

Ang Biblia 2011

Kanimo, O Ginoo, ang pagkamatarong, apan kanamo kaulawan, ingon niining adlawa, sa mga tawo sa Juda, sa mga nagpuyo sa Jerusalem ug sa tibuok nga Israel, kadtong duol ug kadtong layo, sa tanang yuta nga imong giabogan kanila tungod sa pagbudhi nga ilang nahimo batok kanimo.

Cross References

Esdras 9:13

Ug human niining tanan nga midangat kanamo tungod sa among mga daotang buhat ug tungod sa among dakong sala, sa nakita nga ang among Dios nagsilot kanamo ug dili igo sa angay sa among kasal-anan ug naghatag kanamo sa maong usa ka salin,

Esdras 9:15

O Ginoo, ang Dios sa Israel, ikaw matarong kay kami nahibilin nga usa ka salin nga nakaikyas hangtod niining adlawa. Tan-awa, kami ania sa imong atubangan sa among pagkasad-an kay walay makatindog sa imong atubangan tungod niini.”

Nehemias 9:33

Apan ikaw matarong diha sa tanan nga midangat kanamo kay ikaw nagmaminatud-anon man apan kami nagbuhat ug daotan.

Salmo 119:137

Matarong ikaw, O Ginoo, ug matarong ang imong mga paghukom.

Salmo 44:15

Sa tibuok nga adlaw ang akong kaulawan anaa sa akong atubangan, ug ang kaulaw nagtabon sa akong nawong,

Salmo 51:14

Luwasa ako gikan sa sala sa pagpatay, O Dios, ikaw nga Dios sa akong kaluwasan, ug ang akong dila mag-awit sa kusog mahitungod sa imong pagkamatarong.

Salmo 51:4

Batok kanimo, kanimo lamang, nakasala ako, ug nagbuhat ug daotan diha sa imong panan-aw, busa ikaw giila nga matarong diha sa imong pagsulti, ug nga dili masaway diha sa imong paghukom.

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 45:16

Silang tanan maulawan ug mangalibog, ang mga tigbuhat ug mga diosdios mangalibog sa tingob.

Jeremias 12:1

Matarong ikaw, O Ginoo, sa dihang nagmulo ako nganha kanimo; apan mangamuyo ako kanimo mahitungod sa akong kahimtang. Ngano nga mouswag man ang dalan sa daotan? Ngano nga molambo man ang tanan nga mabudhion?

Jeremias 23:6

Sa iyang mga adlaw ang Juda maluwas, ug ang Israel magpuyo nga layo sa kakuyaw. Ug mao kini ang ngalan nga itawag kaniya: ‘Ang Ginoo mao ang among pagkamatarong.’

Jeremias 24:9

Himoon nako sila nga kalisangan ngadto sa tanang mga gingharian sa yuta aron mahimo nga usa ka talamayon, usa ka sanglitanan, usa ka biaybiay ug usa ka tunglo didto sa tanang mga dapit diin hinginlan nako sila.

Jeremias 3:25

Manghigda kami sa among kaulawan, magpatabon kami sa among pagkatinamay, kay nakasala kami batok sa Ginoo nga among Dios, kami ug ang among mga katigulangan, gikan sa among pagkabatan-on bisan hangtod niining adlawa; ug kami wala magtuman sa tingog sa Ginoo nga among Dios.”

Jeremias 32:32

tungod sa tanang kadaotan sa mga anak sa Israel ug sa mga anak sa Juda, nga ilang gihimo aron sa paghagit kanako sa pagkasuko—ang ilang mga hari ug ang ilang mga pangulo, ang ilang mga pari ug ang ilang mga propeta, ug ang mga tawo sa Juda ug ang mga nagpuyo sa Jerusalem.

Jeremias 33:16

Nianang mga adlawa, ang Juda maluwas ug ang Jerusalem magpuyo nga layo sa kakuyaw. Ug mao kini ang ngalan nga itawag niini, ‘Ang Ginoo mao ang atong pagkamatarong.’

Jeremias 4:17

Sama sa mga tigbantay sa usa ka uma sila makigbatok libot kaniya, tungod kay siya misupil kanako, nag-ingon ang Ginoo.

Jeremias 7:19

Ako ba ang ilang gihagit sa pagkasuko? nag-ingon ang Ginoo. Dili ba ang ilang kaugalingon, ngadto sa ilang kaugalingong kalibog?

Ezequiel 16:63

aron ikaw mahinumdom ug malibog, ug dili na gayod makabuka pag-usab sa imong baba tungod sa imong kaulaw, sa diha nga ako magpasaylo kanimo sa tanan nimong nabuhat, nag-ingon ang Ginoong Dios.”

Ezequiel 36:31

Unya mahinumdom kamo sa inyong mga daotang pamaagi ug sa inyong mga buhat nga dili maayo, ug ngil-aran kamo sa inyong kaugalingon tungod sa inyong mga kasal-anan ug sa inyong mga dulumtanang buhat.

Ezequiel 5:10

Busa ang mga amahan magkaon sa mga anak taliwala kaninyo, ug ang mga anak magkaon sa ilang mga amahan ug ipahamtang nako ang hukom nganha kaninyo, ug ang tanan nga mahibilin kaninyo patibulaagon nako ngadto sa tanang dapit.

Ezequiel 6:12

Kadtong atua sa layo mangamatay pinaagi sa kamatay ug ang anaa sa duol mapukan pinaagi sa espada ug ang mahibilin ug wala patya, mangamatay pinaagi sa gutom. Sa ingon niana ihurot nako ang akong kapungot batok kanila.

Daniel 9:14

Busa ang Ginoo nag-andam sa katalagman ug nagdala niini kanamo kay ang Ginoo nga among Dios matarong sa tanan niyang mga buhat nga iyang gibuhat ug kami wala motuman sa iyang tingog.

Daniel 9:18

O Dios ko, ipakiling ang imong igdulungog ug pamati. Bukha ang imong mga mata ug sud-onga ang among pagkabiniyaan ug ang siyudad nga gitawag pinaagi sa imong ngalan, kay wala namo ipadayag ang among mga pangaliyupo sa imong atubangan pinasikad sa among pagkamatarong, kondili pinasikad sa imong dakong kaluoy.

Daniel 9:8

Kanamo, O Ginoo, ang kaulawan, sa among mga hari, sa among mga pangulo, ug sa among mga katigulangan, tungod kay nakasala kami batok kanimo.

Amos 9:9

“Kay tan-awa, ako magsugo ug uyogon nako ang balay sa Israel taliwala sa tanang mga nasod sama sa usa ka tawo nga mag-uyog sa ayagan, apan walay bisan usa ka lugas nga matagak sa yuta.

Roma 6:21

Apan unsa may bunga nga naani ninyo gikan niadtong mga butang nga inyo nang gikaulaw karon? Ang sangpotan sa maong mga butang mao ang kamatayon.

Deuteronomio 32:4

“Ang Bato, ang iyang buhat hingpit, kay ang tanan niyang mga paagi matarong. Dios sa pagkamatinumanon ug walay kasal-anan, matarong ug tul-id siya.

Deuteronomio 4:27

Ug ang Ginoo magpatibulaag kaninyo taliwala sa mga katawhan, ug bilinan kamo ug diyotay nga gidaghanon taliwala sa mga nasod diin dad-on kamo sa Ginoo.