Daniel 9:5

Ang Biblia 2011

kami nakasala ug nakahimo ug sayop ug nagbuhat ug daotan ug misukol, mitalikod sa imong mga sugo ug sa imong mga tulumanon.

Cross References

2 Mga Hari 18:12

tungod kay wala sila motuman sa tingog sa Ginoo nga ilang Dios, apan milapas hinuon sa iyang kasabotan, bisan sa tanan nga gisugo ni Moises nga sulugoon sa Ginoo, wala sila mamati o magtuman niini.

2 Mga Hari 21:15

tungod kay gibuhat nila ang daotan sa akong atubangan ug gihagit ako sa pagkasuko, sukad niadtong adlaw nga ang ilang katigulangan migawas gikan sa Ehipto, hangtod niining adlawa.”

Esdras 9:6

ug ako miingon, “O akong Dios, ako naulaw ug nanglipaghong ang nawong sa pagyahat nganha kanimo, Dios ko, kay ang among kalapasan milapaw sa among ulo ug ang among sala misaka ngadto sa kalangitan.

Salmo 106:6

Kami ug ang among katigulangan nakasala; nagbuhat kami ug kasal-anan, nagbuhat sa kadaotan.

Salmo 119:102

Wala ako motipas gikan sa imong mga tulumanon kay ikaw man ang nagtudlo kanako.

Salmo 119:176

Ako nahisalaag sama sa usa ka nawala nga karnero; pangitaa ang imong alagad, kay wala nako kalimti ang imong kasugoan.

Salmo 18:21

Kay nagsubay ako sa mga dalan sa Ginoo, ug wala ako mobulag sa akong Dios ngadto sa pagkadaotan.

Isaias 53:6

Kitang tanan sama sa mga karnero nga nangasaag; ang matag usa kanato misimang ngadto sa iyang kaugalingon nga dalan; ug gibutang sa Ginoo diha kaniya ang kasal-anan natong tanan.

Isaias 59:13

naglapas ug naglimod sa Ginoo, ug mibiya gikan sa pagsunod sa among Dios, nagsulti ug pagpanglupig ug pagsupil, naghunahuna ug nagsulti ug mga pulong nga bakak gikan sa kasingkasing.

Isaias 64:4

Gikan pa sa karaang panahon walay nakabati o nakasabot pinaagi sa igdulungog, walay mata nga nakakita ug usa ka Dios gawas kanimo, nga nagbuhat alang niadtong naghulat kaniya.

Jeremias 14:20

Among giila ang among pagkadaotan, O Ginoo, ug ang kasal-anan sa among mga katigulangan kay nakasala kami batok kanimo.

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Jeremias 3:25

Manghigda kami sa among kaulawan, magpatabon kami sa among pagkatinamay, kay nakasala kami batok sa Ginoo nga among Dios, kami ug ang among mga katigulangan, gikan sa among pagkabatan-on bisan hangtod niining adlawa; ug kami wala magtuman sa tingog sa Ginoo nga among Dios.”

Jeremias 30:14

Ang tanan nimong mga hinigugma nalimot kanimo; wala sila mabalaka kanimo; kay gibuhatan ko ikaw sa hampak sa usa ka kaaway, ang silot sa walay kaluoy nga kaaway, tungod kay dako ang imong kasal-anan, kay ang imong mga sala hilabihan ka daghan.

Jeremias 44:3

tungod sa pagkadaotan nga ilang nahimo sa paghagit kanako sa pagkasuko, nga sila miadto sa pagsunog ug insenso, ug sa pag-alagad sa laing mga dios nga wala nila mailhi, bisan gani nila o ninyo, o sa inyong mga katigulangan.

Mga Pagbangotan 1:18

“Ang Ginoo anaa sa matarong kay ako misukol batok sa iyang pulong; apan pamati, kamong tanan nga katawhan, ug sud-onga ang akong kasubo; ang akong mga ulay ug ang akong mga batan-ong lalaki nahimong mga binihag.

Mga Pagbangotan 1:20

“Tan-awa, O Ginoo, kay ako anaa sa kasakitan, ang akong kasingkasing anaa sa kasamok, ang akong kasingkasing gikumot sa sulod nako, tungod kay ako masupilon man kaayo. Sa dalan ang espada nagpatay; diha sa balay sama kini sa kamatayon.

Mga Pagbangotan 3:42

“Kami nakalapas ug misukol ug ikaw wala magpasaylo.

Ezequiel 5:6

Ug siya misupil batok sa akong mga tulumanon pinaagi sa pagbuhat ug daotan labaw pa kay sa mga nasod, ug batok sa akong mga lagda labaw pa kay sa kayutaan nga naglibot kaniya pinaagi sa pagsalikway sa akong mga tulumanon ug sa wala pagsubay sa akong mga lagda.

Ezequiel 6:9

Unya kadtong pipila kaninyo nga makaikyas mahinumdom kanako taliwala sa mga nasod diin didto dad-on sila nga mga binihag tungod kay ako naguol pag-ayo tungod sa ilang mapatuyangon nga kasingkasing nga mibulag gikan kanako, ug sa ilang mapatuyangong mga mata nga misunod sa ilang mga diosdios. Ug sila lud-on sa ilang kaugalingon diha sa ilang atubangan tungod sa kadaotan nga ilang nahimo, tungod sa tanan nilang mga dulumtanan.

Daniel 9:11

Ang tibuok Israel nakalapas sa imong balaod ug mitipas, nagdumili sa pagtuman sa imong tingog. Ug ang tunglo ug panumpa nga gisulat diha sa Balaod ni Moises nga alagad sa Dios gibubo nganhi kanamo tungod kay nakasala man kami batok kaniya.

Daniel 9:15

Ug karon, O Ginoo nga among Dios nga nagdala sa imong katawhan gawas sa yuta sa Ehipto pinaagi sa gamhanang kamot, ug naghimo ug ngalan alang kanimo hangtod niining adlawa, kami nakasala, kami nagbuhat ug daotan.

Daniel 9:9

Sa Ginoo nga among Dios, iya ang mga kaluoy ug ang pagpasaylo tungod kay kami misukol man kaniya,

Oseas 1:2

Sa unang higayon nga ang Ginoo misulti pinaagi kang Hosea, ang Ginoo miingon kang Hosea, “Lakaw, pangasawa ug usa ka babaye nga makihilawason ug pagbaton ug mga anak sa pagkamaluibon kay ang yuta nakasala sa dakong pagluib pinaagi sa pagbiya sa Ginoo.”

Malaquias 3:7

Sukad sa mga adlaw sa inyong mga katigulangan kamo mitipas gikan sa akong mga lagda ug wala magtuman niini. Pamalik kamo kanako ug ako mobalik nganha kaninyo, nag-ingon ang Ginoo sa mga panon. Apan kamo miingon, ‘Unsaon man namo pagbalik?’

Mga Hebreo 3:12

Pagmatngon, mga igsoon, basin unya nga diha kaninyo adunay daotan ug dili matinuohong kasingkasing nga mibiya gikan sa buhi nga Dios.