Daniel 9:4

Ang Biblia 2011

Ako nag-ampo sa Ginoo nga akong Dios ug misugid nga nag-ingon, “O Ginoo, ang dako ug makalilisang nga Dios nga nagtuman sa kasabotan ug sa gugmang walay paglubad ngadto kanila nga nahigugma kaniya ug nagtuman sa iyang mga sugo,

Cross References

1 Mga Hari 8:23

Siya miingon, “O Ginoo, ang Dios sa Israel, walay Dios nga sama kanimo, sa langit sa itaas o sa ilalom sa yuta, nga nagtuman sa kasabotan ug nagpakita ug gugmang walay paglubad sa imong mga sulugoon nga naglakaw sa imong atubangan sa tibuok nilang kasingkasing,

2 Cronicas 7:14

kon ang akong katawhan nga gitawag sa akong ngalan magpaubos sa ilang kaugalingon ug mag-ampo ug mangita sa akong nawong ug motalikod gikan sa ilang mga daotang pamaagi, ako mamati gikan sa langit ug magpasaylo sa ilang mga sala ug mag-ayo sa ilang yuta.

Esdras 10:1

Samtang nag-ampo si Ezra ug naghimo ug pagsugid nga naghilak ug nagluhod sa atubangan sa balay sa Dios, usa ka dako kaayong katilingban sa mga lalaki, mga babaye ug mga kabataan ang miduol kaniya gikan sa Israel kay ang katawhan nanghilak sa hilabihan gayod.

Nehemias 1:5

Ug ako miingon, “O Ginoo nga Dios sa langit, ang dako ug makalilisang nga Dios nga nagtuman sa kasabotan ug sa gugmang walay paglubad ngadto kanila nga nahigugma kaniya ug nagtuman sa iyang mga sugo,

Nehemias 9:32

“Busa karon, among Dios, ang dako, gamhanan ug makalilisang nga Dios, nga nagtuman sa kasabotan ug sa gugmang walay paglubad, ayaw himoa nga ang tanang mga kalisdanan nga midangat kanamo daw gamay alang kanimo, diha sa among mga hari, sa among mga pangulo, sa among mga pari, sa among mga propeta, sa among mga katigulangan ug sa tanan nimong katawhan, sukad sa panahon sa mga hari sa Asiria hangtod niining adlawa.

Salmo 32:5

Giila nako ang akong sala nganha kanimo, ug wala nako tagoi ang akong kasal-anan; miingon ako, “Isugid nako ang akong kalapasan ngadto sa Ginoo,” unya imong gipasaylo ang pagkadaotan sa akong sala. Selah

Exodo 20:6

Apan nagpakita ako sa gugmang walay paglubad ngadto sa linibo nga mga nahigugma kanako ug nagtuman sa akong kasugoan.

Jeremias 3:13

Angkona lamang ang imong kasal-anan, nga ikaw misupil batok sa Ginoo nga imong Dios, ug nagsabwag sa imong mga pagpahimuot ngadto sa mga langyaw ilalom sa matag lunhawng kahoy, ug wala nimo pamatia ang akong tingog, nag-ingon ang Ginoo.

Jeremias 32:23

ug sila misulod ug nanag-iya niini. Apan wala sila motuman sa imong tingog o maglakaw subay sa imong Balaod. Wala sila magbuhat sa tanan nga gisugo nimo kanila nga buhaton. Busa gihimo nimo kining tanan nga kadaotan nga moabot kanila.

Daniel 6:10

Sa pagkahibalo ni Daniel nga ang kasulatan gipirmahan, miadto siya sa iyang balay diin adunay mga bintana sa lawak sa itaas nga abli paingon sa Jerusalem ug siya miluhod sa makatulo sa usa ka adlaw ug nag-ampo ug nagpasalamat sa atubangan sa iyang Dios, sama sa iyang gihimo kaniadto.

Daniel 9:3

Unya miatubang ako sa Ginoong Dios, nangita kaniya pinaagi sa pag-ampo ug mga pagpangaliyupo, uban ang pagpuasa ug pagbisti ug sako ug mga abo.

Lucas 1:72

aron sa pagbuhat sa kaluoy nga iyang gisaad ngadto sa atong mga katigulangan ug aron hinumdoman ang iyang balaang kasabotan,

Roma 8:28

Kita nasayod nga diha sa tanang butang ang Dios nagbuhat sa maayo ngadto kanila nga mga nahigugma kaniya ug mga tinawag sumala sa iyang katuyoan.

Deuteronomio 5:10

Apan nagpakita ako sa gugmang walay paglubad ngadto sa mga linibo nga nahigugma kanako ug nagtuman sa akong mga sugo.

Deuteronomio 7:12

“Ug tungod kay nagtagad kamo niining mga tulumanon ug nagbuhat niini, ang Ginoo nga inyong Dios magtuman diha kaninyo sa kasabotan ug sa gugmang walay paglubad nga gipanumpa niya nga tumanon ngadto sa inyong katigulangan.

Deuteronomio 7:21

Ayaw kamo kahadlok kanila kay ang Ginoo nga inyong Dios anaa sa taliwala ninyo, ang Dios nga dako ug makalilisang.

Deuteronomio 7:9

Busa hibaloi ninyo nga ang Ginoo nga inyong Dios Dios gayod, ang matinumanon nga Dios nga nagtuman sa kasabotan ug sa gugma nga walay paglubad ngadto sa mga nahigugma kaniya ug nagtuman sa iyang mga sugo ngadto sa usa ka libo ka kaliwatan,

Santiago 1:12

Bulahan ang tawo nga milahutay sa mga pagsulay kay human siya makaantos sa pagsulay, iyang madawat ang purongpurong sa kinabuhi nga gisaad sa Dios ngadto sa mga nahigugma kaniya.

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?