Daniel 9:23

Ang Biblia 2011

Sa sinugdan sa imong mga pagpangaliyupo gipagula ang sugo ug ako mianhi sa pagsugilon kanimo kay ikaw gihigugma gayod pag-ayo, busa palandonga ang pulong, ug sabta ang panan-awon.

Cross References

2 Mga Hari 19:20

Unya si Isaias nga anak ni Amos nagsugo ngadto kang Hesekias, sa pag-ingon, “Kini mao ang gisulti sa Ginoo, ang Dios sa Israel: Ang imong pag-ampo kanako mahitungod kang Senakerib nga hari sa Asiria akong gipatalinghogan.

Mga Panultihon 15:8

Ang halad sa daotan usa ka dulumtanan sa Ginoo, apan ang pag-ampo sa matarong maoy iyang kalipay.

Awit sa mga Awit 7:10

Ako iya sa akong hinigugma, ug ang iyang tinguha alang kanako.

Ezequiel 14:14

bisan pa ug kining tulo ka tawo, si Noe, si Daniel ug si Job anaa niini, sila makaluwas lamang sa ilang kaugalingong kinabuhi pinaagi sa ilang pagkamatarong, nag-ingon ang Ginoong Dios.

Ezequiel 24:16

“Anak sa tawo, ania hapit na nako kuhaon gikan kanimo ang kalipay sa imong mga mata sa usa ka kalit nga hampak, apan bisan pa niana, dili ikaw magsubo o maghilak o magpaagas sa imong mga luha.

Ezequiel 26:12

Ilogon nila ang imong mga bahandi ug ilang tukbon ang imong mga butang nga baligya, ug gun-obon nila ang imong mga kuta ug lumpagon ang maanindot nimong mga balay. Ang imong mga bato ug mga kahoy ug yuta ilang itambog ngadto sa taliwala sa katubigan.

Daniel 10:1

Sa ikatulo nga tuig ni Ciro nga hari sa Persia, usa ka mensahe gipadayag kang Daniel nga ginganlan ug Beltesasar. Ug ang mensahe matuod ug kini dakong panagsumpaki, ug siya nakasabot sa mensahe ug adunay pagsabot sa panan-awon.

Daniel 10:19

Ug siya miingon, “O tawo nga gihigugma pag-ayo, ayaw kahadlok; ang kalinaw maanaa kanimo, paglig-on, pagmaisogon.” Ug sa diha nga siya nakasulti kanako, nalig-on ako ug miingon, “Pasultiha ang akong agalon, kay ikaw naglig-on kanako.”

Daniel 6:3

Unya kini si Daniel nahimong inila nga labaw sa mga pangulo ug sa mga tinugyanan kay ang talagsaong katakos diha kaniya ug ang hari naghunahuna sa pagpahiluna kaniya ibabaw sa tibuok nga gingharian.

Mateo 24:15

“Busa inigkakita ninyo sa makalilisang nga pagpasipala diha sa Templo nga gihisgotan sa propeta nga si Daniel, nga magtindog sa Dapit nga Balaan (pasabta niini ang magbasa),

Lucas 1:28

Ug ang anghel miadto kaniya ug miingon, “Maglipay ka, ikaw nga gipanalanginan, ang Ginoo uban kanimo!”