Daniel 9:2

Ang Biblia 2011

sa unang tuig sa iyang paghari, ako, si Daniel, nakasabot diha sa mga basahon mahitungod sa gidaghanon sa mga tuig, nga sumala sa pulong sa Ginoo kang Jeremias nga propeta kinahanglang molabay sa dili pa ang kataposan sa pagkalumpag sa Jerusalem, 70 ka tuig.

Cross References

2 Cronicas 36:21

aron sa pagtuman sa pulong sa Ginoo pinaagi sa baba ni Jeremias, hangtod nga ang yuta makapahimulos sa iyang mga adlaw nga igpapahulay. Sa tanang mga adlaw nga kini magpabilin nga biniyaan, kini nagtuman sa adlaw nga igpapahulay, sa pagtuman sa 70 ka tuig.

Esdras 1:1

Sa unang tuig ni Ciro nga hari sa Persia, aron matuman ang pulong sa Ginoo pinaagi sa baba ni Jeremias, gidasig sa Ginoo ang espiritu ni Hari Ciro sa Persia nga tungod niana siya naghimo sa usa ka pahibalo sa tibuok niyang gingharian ug gisulat usab kini:

Salmo 119:24

Ang imong mga pagpamatuod mao ang akong kalipay, sila mao ang akong mga magtatambag.

Isaias 64:10

Ang imong mga siyudad nga balaan nangahimo nga kamingawan, ang Zion nahimo nga kamingawan, ang Jerusalem nahimong usa ka biniyaan.

Jeremias 1:1

Ang mga pulong ni Jeremias nga anak ni Hilkias, sa mga pari nga didto sa Anatot sa yuta ni Benjamin,

Jeremias 25:18

ang Jerusalem ug ang mga siyudad sa Juda, ang mga hari ug ang mga pangulo niini, aron sa paghimo kanila nga biniyaan ug usa ka kalisangan, usa ka talamayon ug usa ka tinunglo, sama niining adlawa;

Jeremias 26:18

“Si Mikeas nga taga-Moreset nagpropesiya sa mga adlaw ni Hesekias nga hari sa Juda ug misulti sa tibuok katawhan sa Juda, ‘Mao kini ang giingon sa Ginoo sa mga panon, Ang Zion darohon sama sa uma; ang Jerusalem mahimong tinapok nga mga ginuba, ug ang bukid sa balay mahimong kakahoyan.’

Jeremias 26:6

himoon nako kining balaya nga sama sa Silo, ug himoon nako kining siyudara nga tinunglo sa tanang mga nasod sa yuta.’ ”

Jeremias 27:7

Ang tanang mga nasod mag-alagad kaniya ug sa iyang anak, ug sa anak sa iyang anak, hangtod nga moabot ang panahon sa iyang kaugalingong yuta; unya daghang mga nasod ug gamhanang mga hari ang mag-ulipon kaniya.

Jeremias 29:10

“Kay mao kini ang giingon sa Ginoo: Sa dihang matapos ang 70 ka tuig sa Babilonia, moduaw ako kaninyo ug tumanon nako ang akong saad kaninyo ug dad-on ko kamo pagbalik niining dapita.

Jeremias 7:34

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Mga Pagbangotan 1:1

Pagkamingaw sa siyudad nga kaniadto puno sa mga tawo! Nahimo siya nga sama sa usa ka biyuda, siya nga kaniadto bantogan taliwala sa mga kanasoran! Siya nga kaniadto usa ka prinsesa taliwala sa mga lalawigan nahimo nga usa ka sakop.

Ezequiel 29:11

Walay tiil sa tawo nga moagi latas niini ug walay tiil sa mananap nga moagi latas niini, dili kini puy-an sulod sa 40 ka tuig.

Daniel 9:3

Unya miatubang ako sa Ginoong Dios, nangita kaniya pinaagi sa pag-ampo ug mga pagpangaliyupo, uban ang pagpuasa ug pagbisti ug sako ug mga abo.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Zacarias 1:12

Unya ang anghel sa Ginoo miingon, ‘O Ginoo sa mga panon, hangtod kanus-a ba nga ikaw dili maluoy sa Jerusalem ug sa mga siyudad sa Juda nga imong gikasilagan sulod niining 70 ka tuig?’

Zacarias 7:5

“Sultihi ang tanang katawhan sa yuta ug ang mga pari. Sa dihang kamo nagpuasa ug nagbangutan sa ikalima ug sa ikapito nga bulan niining 70 ka tuig, alang ba kanako ang inyong pagpuasa?

Mateo 24:15

“Busa inigkakita ninyo sa makalilisang nga pagpasipala diha sa Templo nga gihisgotan sa propeta nga si Daniel, nga magtindog sa Dapit nga Balaan (pasabta niini ang magbasa),

Marcos 13:14

“Apan inigkakita ninyo sa makalilisang nga pasipala nga gipahimutang diha sa dapit diin dili kini angay (pasabta niini ang nagbasa), ang mga atua sa Judea pakagiwa ngadto sa kabukiran.

Mga Buhat 8:34

Ug ang yunoko miingon kang Felipe, “Suginli ako, kinsa man ang gipasabot niini sa propeta, mahitungod ba sa iyang kaugalingon o mahitungod sa laing tawo?”

1 Timoteo 4:13

Hangtod nga moabot ako, kugihi ang pagbasa sa kasulatan ngadto sa katawhan, ang pagdasig ug ang pagpanudlo.

Gipadayag 1:3

Bulahan ang magbasa ug mamati sa mga pulong sa propesiya, ug magtuman sa nasulat niini kay ang panahon duol na.