Daniel 9:19

Ang Biblia 2011

O Ginoo, pamati; O Ginoo, pagpasaylo. O Ginoo, pagtagad ug pagbuhat. Ayaw paglangan, tungod ug alang kanimo, O Dios ko, tungod kay ang imong siyudad ug ang imong katawhan gitawag pinaagi sa imong ngalan.”

Cross References

Daniel 9:18

O Dios ko, ipakiling ang imong igdulungog ug pamati. Bukha ang imong mga mata ug sud-onga ang among pagkabiniyaan ug ang siyudad nga gitawag pinaagi sa imong ngalan, kay wala namo ipadayag ang among mga pangaliyupo sa imong atubangan pinasikad sa among pagkamatarong, kondili pinasikad sa imong dakong kaluoy.

Lucas 11:8

Sultihan ko kamo, bisan ug dili siya mobangon sa paghatag kaniya ug bisan unsa tungod kay sila higala, apan tungod sa iyang mapugsanong hangyo mobangon na lang siya ug mohatag sa bisan unsa nga iyang gikinahanglan.

Amos 7:2

Sa diha nga sila nakatapos na sa pagpangaon sa mga balili sa yuta, ako miingon, “O Ginoong Dios, pasayloa, nangamuyo ako kanimo! Unsaon pagsugakod ni Jacob? Gamay kaayo siya!”

Mga Taga-Efeso 3:10

aron nga pinaagi sa iglesia, ang nagkalainlaing kaalam sa Dios ikapahibalo karon ngadto sa mga nagmando ug mga kagamhanan diha sa mga langitnong dapit.

Mga Taga-Efeso 1:12

aron kami nga mga unang milaom kang Cristo magkinabuhi alang sa pagdayeg sa iyang himaya.

Jeremias 14:9

Ngano nga sama man ikaw sa usa ka tawo nga nalibog, sama sa usa ka tawong kusgan nga dili makaluwas? Apan ikaw, O Ginoo, ania sa among taliwala, ug kami gitawag sa imong ngalan; ayaw kami biyai.”

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Numeros 14:19

Pasayloa intawon ang kasal-anan niining katawhan sumala sa pagkadako sa imong gugmang walay paglubad ug sumala sa pagpasaylo nimo niining katawhan, sukad sa Ehipto bisan hangtod karon.”

Mga Taga-Efeso 1:6

aron dayegon ang iyang mahimayaong grasya nga sa walay bayad iyang gihatag kanato pinaagi sa Pinalangga.

Ezequiel 39:25

“Busa mao kini ang giingon sa Ginoong Dios: Karon ipahiuli nako ang katigayonan ni Jacob, ug kaluy-an nako ang tibuok nga balay ni Israel; ug ako mangabubho alang sa akong balaan nga ngalan.

Ezequiel 36:22

“Busa ingna ang balay sa Israel, Mao kini ang giingon sa Ginoong Dios: Dili tungod ug alang kaninyo, O balay sa Israel, nga ako magbuhat kondili tungod ug alang sa balaan nakong ngalan nga gipasipad-an taliwala sa mga nasod diin kamo miadto.

Ezequiel 20:22

Apan akong gipugngan ang akong kamot, ug nagbuhat tungod ug alang sa akong ngalan aron kini dili pasipalahan diha sa atubangan sa mga nasod nga diha sa ilang panan-aw gipagula nako sila.

Ezequiel 20:14

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, nga diha sa ilang panan-aw gipagula nako sila.

Ezequiel 20:9

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, diin sila nagpuyo, nga diha sa ilang panan-aw gipaila nako kanila ang akong kaugalingon pinaagi sa pagdala kanila gawas sa yuta sa Ehipto.

Jeremias 25:29

Kay tan-awa, ako nagsugod sa pagbuhat ug kadaot sa siyudad nga gitawag sa akong ngalan, ug dili ba silotan gayod kamo? Dili gayod mahimo nga dili kamo silotan kay ako nagpadala ug espada batok sa tanang nagpuyo sa yuta, nag-ingon ang Ginoo sa mga panon.’

2 Cronicas 6:39

pamatia gikan sa langit nga imong puluy-anan ang ilang pag-ampo ug ang ilang mga pangamuyo ug labani ang ilang katungod ug pasayloa ang imong katawhan nga nakasala batok kanimo.

2 Cronicas 6:21

Ug pamatia ang mga pangamuyo sa imong alagad ug sa imong katawhan nga Israel, sa diha nga sila mag-ampo paatubang niining dapita. Oo, pamati gikan sa langit nga imong puluy-anan ug sa diha nga ikaw makadungog, magpasaylo ka.

Mga Buhat 15:17

aron ang ubang mga tawo mangita sa Ginoo, ug ang tanang mga Gentil nga gitawag pinaagi sa akong ngalan, nag-ingon ang Ginoo, nga mao ang naghimo niining mga butanga

Numeros 6:27

“Busa ibutang nila ang akong ngalan sa ibabaw sa katawhan sa Israel ug ako magpanalangin kanila.”

Isaias 43:7

ang tanan nga gitawag pinaagi sa akong ngalan, nga akong gibuhat alang sa akong himaya, nga akong giumol ug gibuhat.”