Biblia Todo Logo
Cross References

- Mga paanunsiyo -



Daniel 9:16

Ang Biblia 2011

O Ginoo, sumala sa tanan nimong matarong nga mga buhat, pabiyaa ang imong kasuko ug kaligutgot gikan sa imong siyudad nga Jerusalem, ang imong balaan nga bukid kay tungod sa among mga sala ug tungod sa kadaotan sa among mga katigulangan, ang Jerusalem ug ang imong katawhan nahimong sanglitanan sa tanan nga naglibot kanamo.

Tan-awa ang kapitulo Kopyaha

33 Cross References  

Ug nakita nimo ang iyang kasingkasing nga matinumanon sa imong atubangan ug naghimo ikaw ug usa ka kasabotan uban kaniya sa paghatag sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Jebusihanon ug sa mga Gergasihanon ngadto sa iyang mga kaliwat ug imong gituman ang imong mga saad kay ikaw matarong.

Pamatia ang akong pag-ampo, O Ginoo patalinghugi ang akong mga pangaliyupo diha sa imong pagkamatinumanon; sa imong pagkamatarong tubaga ako.

Kanimo, O Ginoo, midangop ako; ayaw gayod itugot nga maulawan ako; luwasa ako diha sa imong pagkamatarong!

Dalaygon ang Ginoo, ang Dios sa Israel, gikan sa walay kataposan ngadto sa walay kataposan! Amen ug Amen.

Sa imong pagkamatarong luwasa ug tabanga ako; ikiling kanako ang imong igdulungog ug luwasa ako!

Nahimo kaming usa ka tinamay sa among mga silingan, giyubit ug gikataw-an nila nga naglibot kanamo.

Ipahiuli kami, O Dios sa among kaluwasan, ug pahunonga na ang imong kaligutgot ngari kanamo!

nga niana gipakaulawan ako sa imong mga kaaway, O Ginoo, sa ingon gipakaulawan nila ang mga lakang sa imong dinihogan.

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Busa ang kasuko sa Ginoo misilaob batok sa iyang katawhan, ug iyang gibakyaw ang iyang kamot batok kanila ug gilaglag sila; ug ang kabukiran nauyog, ug ang ilang mga minatay nahisama sa basura taliwala sa mga dalan. Bisan pa niining tanan ang iyang kasuko wala mapalong, ug ang iyang kamot iya pa gihapong gibakyaw.

Himoon nako sila nga kalisangan ngadto sa tanang mga gingharian sa yuta aron mahimo nga usa ka talamayon, usa ka sanglitanan, usa ka biaybiay ug usa ka tunglo didto sa tanang mga dapit diin hinginlan nako sila.

Gukdon nako sila pinaagi sa espada, sa gutom ug sa kamatay, ug himoon nga kalisangan sa tanang mga gingharian sa yuta aron mahimong tunglo, usa ka kahadlokan, usa ka talamayon ug usa ka kaulawan sa taliwala sa tanang mga nasod diin didto giabog nako sila,

Kining siyudara naghagit sa akong kasuko ug kapungot sukad sa adlaw nga gitukod kini hangtod niining adlawa, nga tungod niini wagtangon nako kini gikan sa akong panan-aw,

tungod sa tanang kadaotan sa mga anak sa Israel ug sa mga anak sa Juda, nga ilang gihimo aron sa paghagit kanako sa pagkasuko—ang ilang mga hari ug ang ilang mga pangulo, ang ilang mga pari ug ang ilang mga propeta, ug ang mga tawo sa Juda ug ang mga nagpuyo sa Jerusalem.

Ikaw nakasala sa imong dugo nga imong gipaagas, ug nahugawan sa mga diosdios nga imong gibuhat ug gipaduol nimo ang imong mga adlaw, ang gitakdang panahon sa imong katuigan miabot na. Busa gihimo ko ikaw nga kaulawan ngadto sa mga nasod, ug usa ka talamayon sa tanang kayutaan.

Ug dugang pa, himoon ko kamo nga biniyaan ug usa ka kaulawan taliwala sa mga nasod nga naglibot kaninyo, ug diha sa panan-aw sa tanan nga mangagi.

Siya magpabarog sa iyang harianong tolda taliwala sa dagat ug sa mahimayaong balaan nga bukid, apan bisan pa niana siya modangat sa iyang kataposan nga walay motabang kaniya.

Samtang nagsulti pa ako ug nag-ampo, ug nagsugid sa akong sala ug sa sala sa akong katawhan nga Israel, ug nagpadayag sa akong pangaliyupo sa atubangan sa Ginoo nga akong Dios tungod sa balaang bukid sa akong Dios,

“Busa kamo makaila nga ako mao ang Ginoo nga inyong Dios, nga nagpuyo sa Zion nga akong bukid nga balaan. Unya ang Jerusalem mabalaan ug didto wala nay langyaw nga molatas niini pag-usab.

Mao kini ang giingon sa Ginoo: Mobalik ako sa Zion, ug mopuyo taliwala sa Jerusalem, ug ang Jerusalem tawgon nga matinumanong siyudad, ug ang bukid sa Ginoo sa mga panon, ang balaan nga bukid.

kay matarong alang sa Dios nga ang mga nagsakit kaninyo balosan niya ug kasakit.

Kon isugid nato ang atong mga sala, siya kasaligan ug matarong nga mopasaylo kanato sa atong mga sala ug maghinlo kanato gikan sa tanang pagkadili matarong.

Ang Ginoo maghimo sa tawo nga kabos ug dato; siya ang mopaubos sa tawo, siya usab ang motuboy.




Sunda kami:

Mga paanunsiyo


Mga paanunsiyo