Daniel 8:8

Ang Biblia 2011

Unya ang laking kanding nagpagarbo pag-ayo sa iyang kaugalingon, apan sa diha nga nakusgan na siya, ang dakong sungay nabali, ug puli niini migula ang upat ka dayag nga sungay paingon sa upat ka hangin sa langit.

Cross References

2 Cronicas 26:16

Apan sa nalig-on na siya, ang iyang kasingkasing nagmapagarbohon ngadto sa pagkalaglag. Kay siya nakalapas batok sa Ginoo nga iyang Dios ug misulod siya sa Templo sa Ginoo aron sa pagsunog sa insenso ibabaw sa halaran sa insenso.

Ester 9:4

Kay si Mardoqueo halangdon diha sa balay sa hari, ug ang iyang kabantog miabot sa tanang mga lalawigan kay ang tawo nga si Mardoqueo nag-anam ug ka gamhanan.

Jeremias 49:36

ug ipadala nako ngadto sa Elam ang upat ka hangin nga gikan sa upat ka suok sa langit, ug patibulaagon nako sila ngadto nianang mga hangin ug walay nasod nga dili adtoan sa mga sinalikway sa Elam.

Jeremias 5:27

Sama sa usa ka halwa nga napuno sa mga langgam, ang ilang mga balay napuno sa mga limbong; busa sila nangahimong dagko ug mga dato,

Ezequiel 16:7

ug tubo sama sa tanom sa kapatagan.’ Ug ikaw midako ug mitaas ug ikaw miabot sa hingpit nga pagkadalaga, ang imong mga dughan nahulma ug ang imong buhok mitag-as, bisan pa niana ikaw hubo ug walay tabon.

Ezequiel 28:9

Moingon pa ba gihapon ikaw, ‘Ako usa ka dios,’ sa atubangan sa nagpatay kanimo, bisan ug ikaw tawo lamang ug dili dios diha sa mga kamot sa nasamad kanimo?

Daniel 11:4

Ug sa diha nga mobarog na siya, ang iyang gingharian mabungkag ug mabahin paingon sa upat ka hangin sa langit, apan dili sa iyang kaliwatan o sumala sa iyang paghari nga niini siya nagmando, kay ang iyang gingharian ibton ug maadto sa lain gawas niini.

Daniel 4:31

Samtang ang mga pulong diha pa sa baba sa hari, dihay tingog nga gikan sa langit, “O Hari Nabucodonosor, nganha kanimo kini gisulti: Ang gingharian mipalayo kanimo.

Daniel 5:20

Apan sa diha nga nagmapahitas-on ang iyang kasingkasing ug nagmagahi ang iyang espiritu, nga tungod niana siya nagkinabuhi nga mapahitas-on, gipapha siya gikan sa iyang trono nga harianon, ug ang iyang himaya gikuha gikan kaniya.

Daniel 7:2

Si Daniel miingon, “Akong nakita sa akong panan-awon sa pagkagabii ug dihay upat ka hangin sa langit nga mikutaw sa dakong dagat,

Daniel 7:6

Human niini, ako mitan-aw ug nakita nako ang lain nga sama sa usa ka leopardo, nga adunay upat ka pako sa langgam sa likod niini, ug ang mananap adunay upat usab ka ulo ug ang paggahom gihatag kaniya.

Daniel 8:22

Ug mahitungod sa sungay nga naputol, sa dapit diin may lain pang upat nga mitungha, upat ka gingharian ang motungha gikan sa iyang nasod, apan dili sa iyang gahom.

Daniel 8:5

Samtang ako namalandong, dihay usa ka laking kanding nga migula gikan sa kasadpan latas sa tibuok yuta, wala magtugkad sa yuta, ug ang kanding adunay dayag nga sungay taliwala sa iyang mga mata.

Daniel 8:7

Nakita nako siya nga miduol sa laking karnero ug siya napungot kaayo kaniya, ug gidasmagan ang laking karnero ug gibali ang iyang duha ka sungay. Ang laking karnero walay gahom sa pagsukol kaniya, hinuon gitumba siya sa yuta ug giyatakan, ug walay usa nga nakaluwas sa laking karnero gikan sa iyang gahom.

Mateo 24:31

Ug ipadala niya ang iyang mga anghel uban sa kusog nga tingog sa trumpeta ug ilang tigomon ang iyang mga pinili gikan sa upat ka suok sa kalibotan, gikan sa usa ka tumoy sa langit ngadto sa pikas.

Marcos 13:27

Ug sugoon niya ang mga anghel, ug tigomon nila ang iyang mga pinili gikan sa upat ka hangin, gikan sa kinatumyan sa yuta hangtod sa kinatumyan sa langit.

Deuteronomio 31:20

Kay sa diha nga madala na nako sila ngadto sa yuta, diin nag-agas ang gatas ug dugos, nga gipanumpa nako nga ihatag sa ilang katigulangan, ug sa makakaon na sila ug mabusog ug manambok, sila moadto sa laing mga dios ug mag-alagad kanila ug magtamay kanako ug maglapas sa akong kasabotan.

Gipadayag 7:1

Human niini akong nakita ang upat ka anghel nga nagtindog diha sa upat ka suok sa kalibotan, nagpugong sa upat ka hangin sa kalibotan, aron walay hangin nga mohuyop sa yuta o sa dagat o sa bisan unsa nga kahoy.