Daniel 8:7

Ang Biblia 2011

Nakita nako siya nga miduol sa laking karnero ug siya napungot kaayo kaniya, ug gidasmagan ang laking karnero ug gibali ang iyang duha ka sungay. Ang laking karnero walay gahom sa pagsukol kaniya, hinuon gitumba siya sa yuta ug giyatakan, ug walay usa nga nakaluwas sa laking karnero gikan sa iyang gahom.

Cross References

Daniel 11:11

Unya ang hari sa habagatan nga nasuko pag-ayo mogula ug makiggubat sa hari sa amihanan, ug siya magpabarog ug usa ka dakong panon, apan kini itugyan ngadto sa iyang kamot.

Daniel 7:12

Mahitungod sa nahibilin nga mga mananap, ang ilang paghari gikuha apan ang ilang mga kinabuhi gilugwayan ug usa ka higayon ug usa ka panahon.

Daniel 7:7

Human niini, nakita nako diha sa mga panan-awon sa pagkagabii nga dihay ikaupat nga mananap, makalilisang ug bangis ug hilabihan ka kusgan, ug kini may dagkong mga ngipon nga puthaw. Kini milamoy ug mikuniskunis ug miyatak sa salin pinaagi sa iyang mga tiil. Kini lahi sa tanang mananap nga una kaniya, ug kini adunay napulo ka sungay.

Daniel 8:10

Kini mitubo pag-ayo bisan hangtod sa panon sa langit ug ang uban sa panon sa mga bituon iyang gihulog sa yuta ug giyatakan.

Daniel 8:6

Siya miadto sa laking karnero nga may duha ka sungay nga akong nakita nga nagtindog sa daplin sa suba, ug siya midasmag kaniya sa iyang bangis nga kapungot.

Daniel 8:8

Unya ang laking kanding nagpagarbo pag-ayo sa iyang kaugalingon, apan sa diha nga nakusgan na siya, ang dakong sungay nabali, ug puli niini migula ang upat ka dayag nga sungay paingon sa upat ka hangin sa langit.

Levitico 26:37

Mangapandol sila ibabaw sa usa ug usa nga daw miikyas gikan sa espada, bisan walay maggukod kanila, dili kamo makahimo sa pagsukol atubangan sa inyong mga kaaway.

Josue 8:20

Busa sa diha nga ang mga tawo sa Ai nanglingi sa ilang luyo, nakita nila ang aso gikan sa siyudad nga miutbo sa langit ug wala silay gahom sa pag-ikyas bisan asa paingon kay ang mga tawo nga nanagan ngadto sa kamingawan misumbalik na man sa naggukod kanila.