Daniel 8:3

Ang Biblia 2011

Unya giyahat nako ang akong mga mata ug nakita nako nga dihay laking karnero nga nagtindog daplin sa suba. Kini adunay duha ka sungay, ug ang duha ka sungay tag-as, apan ang usa taas kay sa usa, ug ang taas ulahi nga mitungha.

Cross References

1 Cronicas 21:16

Unya giyahat ni David ang iyang mga mata ug nakita ang anghel sa Ginoo nga nagtindog taliwala sa yuta ug sa langit, ug sa iyang kamot dihay espada nga gibakyaw paingon sa Jerusalem. Unya si David ug ang mga kadagkoan nga nagsul-ob ug sako mihapa.

Esdras 1:2

“Kini mao ang gisulti ni Ciro nga hari sa Persia: Ang Ginoo, ang Dios sa langit, naghatag kanako sa tanang gingharian sa yuta ug iya akong gisugo sa pagtukod ug balay alang kaniya didto sa Jerusalem nga anaa sa Juda.

Esdras 4:5

ug nanuhol ug mga magtatambag batok kanila, aron sa pagpakyas sa ilang katuyoan, sa tanang mga adlaw ni Ciro nga hari sa Persia, bisan hangtod sa paghari ni Dario nga hari sa Persia.

Ester 1:3

sa ikatulo nga tuig sa iyang paghari, siya naghimo ug usa ka kombira alang sa tanan niyang mga pangulo ug mga alagad. Ang kasundalohan sa Persia ug sa Media ug ang mga kadagkoan ug ang mga gobernador sa mga lalawigan diha sa iyang atubangan,

Isaias 13:17

Tan-awa, ako nag-aghat sa mga taga-Media batok kanila, nga wala magtagad alang sa plata, ug wala malipay sa bulawan.

Isaias 21:2

Usa ka makalilisang nga panan-awon gisugilon kanako, ang mabudhion magbudhi ug ang tiglaglag manglaglag. Tungas, O Elam, sulong, O Media; ang tanang pag-antos nga iyang nahimo taposon nako.

Isaias 44:28

nga nag-ingon mahitungod kang Ciro, ‘Siya mao ang akong tigbantay sa karnero, ug siya magbuhat sa tanan nakong katuyoan,’ nag-ingon mahitungod sa Jerusalem, ‘Siya tukoron,’ ug mahitungod sa templo, ‘Ang imong patukoranan ipahiluna.’ ”

Jeremias 51:11

“Baira ninyo ang mga udyong! Kupti ninyo ang mga taming! Ang Ginoo nag-aghat sa espiritu sa mga hari sa Media kay ang iyang tuyo mahitungod sa Babilonia mao ang paglaglag niini kay kini mao ang panimalos sa Ginoo, ang panimalos alang sa iyang Templo.

Daniel 10:5

akong giyahat ang akong mga mata ug mitan-aw ug akong nakita ang usa ka tawo nga nagbisti ug lino nga ang hawak gibaksan ug bulawan sa Upaz.

Daniel 2:39

Sunod kanimo motungha ang laing gingharian nga ubos kay kanimo, ug aduna pay ikatulong gingharian nga bronsi, nga maghari sa tibuok nga yuta.

Daniel 5:31

Ug si Dario nga Medianhon midawat sa gingharian, sa dihang siya 62 ka tuig ang panuigon.

Daniel 6:28

Busa si Daniel nagmauswagon panahon sa paghari ni Dario, ug sa paghari ni Ciro nga Persianhon.

Daniel 7:5

Unya, dihay laing mananap, ang ikaduha, sama sa usa ka oso. Kini gipatindog sa usa ka kilid, ug kini adunay tulo ka gusok diha sa iyang baba taliwala sa iyang mga ngipon, ug kini giingnan, ‘Tindog, panukob ug daghang unod.’

Daniel 8:2

May nakita ako diha sa panan-awon, ug sa akong pagkakita, didto ako sa Susa nga ulohang siyudad nga atua sa lalawigan sa Elam ug nakita nako sa panan-awon nga ako didto sa daplin sa suba sa Ulai.

Daniel 8:20

Ang laking karnero nga imong nakita nga adunay duha ka sungay, kini sila mao ang mga hari sa Media ug sa Persia.

Zacarias 1:18

Unya giyahat nako ang akong mga mata, ug nakita nako ang upat ka sungay!

Zacarias 2:1

Unya akong giyahat ang akong mga mata ug nakita nako ang usa ka tawo dala ang pisi nga igsusukod diha sa iyang kamot.

Zacarias 5:1

Unya giyahat nako ang akong mga mata ug nakita nako ang usa ka linukot nga basahon nga naglupad.

Zacarias 5:5

Unya ang anghel nga nakigsulti kanako miduol ug miingon kanako, “Iyahat karon ang imong mga mata ug tan-awa kon unsa kanang nagpanaw.”

Zacarias 5:9

Unya giyahat nako ang akong mga mata, ug nakita nako ang duha ka babaye nga nagpadulong! Ang hangin diha sa ilang mga pako. Aduna silay mga pako nga sama sa mga pako sa usa ka talabong ug ilang gialsa ang sudlanan tungatunga sa yuta ug sa langit.

Zacarias 6:1

Ug giyahat nako pag-usab ang akong mga mata, ug nakita nako ang upat ka karwahi nga migula gikan sa taliwala sa duha ka bukid, mga bukid nga bronsi.

Numeros 24:2

Ug giyahat ni Balaam ang iyang mga mata ug nakita niya ang Israel nga nagkampo sumala sa ilang mga banay ug ang Espiritu sa Dios mikunsad kaniya.

Josue 5:13

Sa diha nga si Josue duol na sa Jerico, iyang giyahat ang iyang mga mata ug mitan-aw ug nakita niya nga may usa ka tawo nga nagtindog sa iyang atubangan nga nagdala ug usa ka espada nga gihulbot gikan sa sakoban diha sa iyang kamot ug si Josue miduol kaniya ug miingon kaniya, “Dapig ba ikaw kanamo o sa among mga kaaway?”

Gipadayag 13:11

Unya nakita nako ang laing bangis nga mananap nga mitunga gikan sa yuta. Kini may duha ka buok sungay sama sa nating karnero, ug siya misulti sama sa dragon.

Gipadayag 5:6

Ug sa taliwala sa trono ug sa upat ka buhing binuhat ug taliwala sa mga kadagkoan nakita nako ang usa ka Nating Karnero nga nagtindog nga daw gipatay, may pito ka sungay ug pito ka mata nga mao ang pito ka espiritu sa Dios nga gipadala ngadto sa tibuok nga yuta.