Daniel 8:27

Ang Biblia 2011

Unya ako, si Daniel, nagluya ug nasakit sa pipila ka adlaw. Unya ako mitindog ug nagbuhat sa buluhaton sa hari apan nahibulong ako sa panan-awon, ug wala makasabot niini.

Cross References

Daniel 7:28

Dinhi natapos ang maong butang. Mahitungod kanako, si Daniel, ang akong mga hunahuna nakapakuyaw pag-ayo kanako, ug nangluspad ang akong nawong; apan akong gitagoan ang maong butang sulod sa akong hunahuna.

Habacuc 3:16

Nakabati ako, ug mikurog ang akong lawas, ang akong mga ngabil mikurog sa pagkabati sa tingog; ang pagkadunot misulod sa akong kabukogan, nagkurogkurog ang akong mga lakang. Magpaabot lamang ako sa hilom alang sa adlaw sa kasamok sa pag-abot ngadto sa katawhan nga mosulong kanamo.

Daniel 10:16

Unya dihay usa nga sama ug panagway sa mga anak sa tawo nga mihikap sa akong mga ngabil, unya akong gibuka ang akong baba ug ako misulti. Miingon ako kaniya nga nagtindog sa akong atubangan, “O agalon ko, tungod sa panan-awon ang kasakit midangat kanako ug walay nahibilin nga kusog kanako.

Daniel 10:8

Busa ako nahibilin nga nag-inusara ug nakakita niining dakong panan-awon ug walay kusog nga nahibilin kanako. Ang akong dagway nga nagdan-ag nahimo nga kahadlokan ug walay kusog nga nahibilin kanako.

Daniel 8:7

Nakita nako siya nga miduol sa laking karnero ug siya napungot kaayo kaniya, ug gidasmagan ang laking karnero ug gibali ang iyang duha ka sungay. Ang laking karnero walay gahom sa pagsukol kaniya, hinuon gitumba siya sa yuta ug giyatakan, ug walay usa nga nakaluwas sa laking karnero gikan sa iyang gahom.

Daniel 8:2

May nakita ako diha sa panan-awon, ug sa akong pagkakita, didto ako sa Susa nga ulohang siyudad nga atua sa lalawigan sa Elam ug nakita nako sa panan-awon nga ako didto sa daplin sa suba sa Ulai.

Daniel 5:14

Ako nakadungog mahitungod kanimo nga ang espiritu sa mga balaang dios anaa kanimo ug nga ang kahayag ug salabotan ug labawng kaalam nakita diha kanimo.

1 Samuel 3:15

Si Samuel mihigda hangtod sa buntag. Unya giablihan niya ang mga pultahan sa balay sa Ginoo. Si Samuel nahadlok sa pagsugilon kang Eli sa panan-awon.

Daniel 4:19

Unya si Daniel, nga ang ngalan mao si Beltesasar, nalisang sa makadiyot, ug ang iyang mga hunahuna nakapakuyaw kaniya. Ang hari miingon, “Beltesasar, ayaw tugoti nga ang damgo o ang hubad makapakuyaw kanimo.” Si Beltesasar mitubag, “Agalon ko, hinaot nga ang damgo mahimo unta nga alang kanila nga nagdumot kanimo ug ang hubad niini alang sa imong mga kaaway!

Daniel 8:17

Busa siya miduol sa dapit diin ako magtindog ug sa pag-abot niya, nahadlok ako ug mihapa apan siya miingon kanako, “Sabta, O anak sa tawo, nga ang panan-awon alang sa panahon sa kataposan.”