Daniel 8:24

Ang Biblia 2011

Ang iyang gahom dako ug siya maghimo ug makapahadlok nga paglaglag ug molampos sa bisan unsa nga iyang buhaton, ug iyang lumpagon ang mga gamhanang tawo ug ang katawhan sa mga balaan.

Cross References

Salmo 37:35

Nakita nako ang daotan nga anaa sa dakong gahom, ug mituybo sama sa cedro sa Lebanon.

Daniel 11:23

Ug sukad sa panahon nga nahimo ang pagpakig-abin uban kaniya, siya magbuhat nga malimbongon ug siya mahimong lig-on uban sa diyotay nga katawhan.

Daniel 12:7

Ang tawo nga nagsul-ob ug lino nga didto ibabaw sa katubigan sa suba mibayaw sa iyang tuo nga kamot ug sa iyang wala nga kamot paingon sa langit, ug nadungog nako siya nga nanumpa pinaagi kaniya nga buhi hangtod sa kahangtoran, nga kini mahitabo sa usa ka panahon, duha ka panahon ug katunga sa panahon, ug sa diha nga ang pagbungkag sa gahom sa balaan nga katawhan moabot sa kataposan, kining tanang mga butang matuman.

Daniel 7:25

Siya magsulti ug mga pulong batok sa Labing Halangdon, ug magluya sa mga balaan sa Labing Halangdon, ug maghunahuna sa pag-usab sa mga panahon ug sa balaod; ug sila ihatag sa iyang kamot sa usa ka higayon duha ka higayon ug sa katunga sa usa ka higayon.

Daniel 8:10

Kini mitubo pag-ayo bisan hangtod sa panon sa langit ug ang uban sa panon sa mga bituon iyang gihulog sa yuta ug giyatakan.

Daniel 8:11

Kini nagpagarbo sa iyang kaugalingon, bisan ngadto sa Pangulo sa panon ug gikuha gikan kaniya ang nagpadayon nga halad nga sunogon, ug gipukan ang dapit sa iyang balaang puluy-anan.

Daniel 8:12

Ang panon gitugyan ngadto niini uban sa nagpadayon nga halad nga sunogon tungod sa kalapasan, ug ang kamatuoran gihulog ngadto sa yuta, ug ang sungay mibuhat ug miuswag.

Daniel 8:23

Sa ulahing panahon sa ilang paghari, sa diha nga ang mga malapason moabot na sa hingpit nga sukod, ang usa ka hari nga isog ug panagway, siya nga makasabot ug mga tigmo mobarog.

Gipadayag 16:6

Kay giula sa mga tawo ang dugo sa mga balaan ug sa mga propeta, ug gihatag nimo kanila ang dugo aron ilang imnon. Mao kini ang angay kanila!”

Gipadayag 17:17

kay ang Dios nagbutang diha sa ilang mga kasingkasing sa pagtuman sa iyang kabubut-on pinaagi sa ilang pagbaton ug usa lamang ka hunahuna ug pagtugyan sa ilang harianong gahom ngadto sa bangis nga mananap, hangtod nga matuman ang mga pulong sa Dios.

Gipadayag 17:6

Ug akong nakita ang babaye nga nahubog sa dugo sa mga balaan ug sa dugo sa mga gipamatay nga mga saksi ni Jesus. Sa akong pagkakita kaniya dako kaayo ang akong kahibulong.

Gipadayag 19:2

kay ang iyang mga hukom matuod ug matarong, iyang gihukman ang bantogang daotan nga babaye nga nakapahugaw sa kalibotan pinaagi sa iyang pagkamakihilawason, ug diha kaniya gipanimaslan sa Dios ang dugo sa iyang mga sulugoon.”