Daniel 8:23

Ang Biblia 2011

Sa ulahing panahon sa ilang paghari, sa diha nga ang mga malapason moabot na sa hingpit nga sukod, ang usa ka hari nga isog ug panagway, siya nga makasabot ug mga tigmo mobarog.

Cross References

Genesis 15:16

Ug sa ikaupat nga kaliwatan mobalik sila dinhi kay ang pagkadaotan sa Amorihanon wala pa mahingpit.”

Mga Panultihon 1:6

sa pagsabot sa usa ka panultihon ug sa usa ka pulong nga salabtonon, sa mga pulong sa mga maalamon ug sa ilang mga tigmo.

Ezequiel 38:16

Ikaw motungas batok sa akong katawhan nga Israel, sama sa usa ka panganod nga motabon sa yuta. Sa ulahing mga adlaw, dad-on ko ikaw batok sa akong yuta, aron ang mga nasod makaila kanako, sa diha nga pinaagi kanimo, O Gog, pamatud-an ang akong pagkabalaan diha sa ilang mga mata.

Ezequiel 38:8

Human sa daghang mga adlaw, ikaw ipatawag. Sa ulahing mga tuig ikaw mosulod sa yuta nga nabawi gikan sa gubat, ang yuta nga gitigoman sa mga katawhan gikan sa mga nasod, ibabaw sa kabukiran sa Israel, nga kaniadto kanunayng awaaw. Ang katawhan niini gipagula gikan sa mga nasod ug silang tanan nagpuyo nga layo sa kakuyaw.

Daniel 10:14

Ug ako mianhi sa pagpasabot kanimo sa mahitabo sa imong katawhan sa ulahing mga adlaw kay ang panan-awon alang pa sa umaabot nga mga adlaw.”

Daniel 11:21

“Puli kaniya mobarog ang usa ka tawo nga talamayon, nga wala kahatagi sa kadungganan sa gingharian. Siya moabot nga walay pagpasidaan ug mokuha sa gingharian pinaagi sa mga pag-ulog-ulog.

Daniel 11:24

Sa walay pagpasidaan siya mosulong ngadto sa labing dato nga mga dapit sa lalawigan ug buhaton niya kadtong wala buhata sa iyang katigulangan o sa mga amahan sa iyang katigulangan, katagon sa taliwala nila ang linungkab, ang inilog ug ang mga katigayonan. Siya magmugna ug mga laraw batok sa mga kuta, apan alang lamang sa usa ka panahon.

Daniel 7:11

Niadtong taknaa ako mitan-aw tungod sa tingog sa dagkong mga pulong nga gisulti sa sungay. Ug samtang ako nagtan-aw, gipatay ang mananap ug ang iyang lawas gilaglag ug gitugyan aron sunogon sa kalayo.

Daniel 7:20

ug mahitungod sa napulo ka sungay nga diha sa iyang ulo ug sa lain nga sungay nga migula ug sa atubangan niini may tulo nga napukan, ang sungay nga may mga mata ug usa ka baba nga nagsulti ug dagkong mga butang, ug nga daw dako pa kay sa iyang mga kauban.

Daniel 7:25

Siya magsulti ug mga pulong batok sa Labing Halangdon, ug magluya sa mga balaan sa Labing Halangdon, ug maghunahuna sa pag-usab sa mga panahon ug sa balaod; ug sila ihatag sa iyang kamot sa usa ka higayon duha ka higayon ug sa katunga sa usa ka higayon.

Daniel 7:8

Akong gisud-ong ang mga sungay, ug dihay migula gikan kanila nga laing sungay nga gamay, nga sa atubangan niining tulo sa unang mga sungay giibot hangtod sa mga gamot, ug niining sungaya dihay mga mata nga sama sa mga mata sa tawo, ug usa ka baba nga nagsulti ug dagkong mga butang.

Daniel 8:22

Ug mahitungod sa sungay nga naputol, sa dapit diin may lain pang upat nga mitungha, upat ka gingharian ang motungha gikan sa iyang nasod, apan dili sa iyang gahom.

Daniel 8:24

Ang iyang gahom dako ug siya maghimo ug makapahadlok nga paglaglag ug molampos sa bisan unsa nga iyang buhaton, ug iyang lumpagon ang mga gamhanang tawo ug ang katawhan sa mga balaan.

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Numeros 24:24

Apan mangabot ang mga sakayan gikan sa Kitim, ug sakiton nila ang Asur ug ang Eber ug siya usab malaglag.”

Mateo 23:32

Busa pun-a pa gayod ninyo ang taksanan sa inyong mga katigulangan.

Deuteronomio 28:50

usa ka nasod nga bangis ug nawong, nga dili motahod sa tigulang o magpakita ug kaluoy ngadto sa batan-on,

1 Mga Taga-Tesalonica 2:16

pinaagi sa pagpugong kanamo sa pagsulti ngadto sa mga Gentil aron sila mangaluwas, aron sa kanunay magpuno sa gidaghanon sa ilang mga sala. Apan ang kapungot sa Dios miabot kanila sa kataposan!

1 Timoteo 4:1

Ang Espiritu tin-awng nagpahayag nga sa ulahing mga panahon adunay mamiya gikan sa pagtuo, nga magtagad sa mga malimbongon nga espiritu ug sa mga pagtulun-an sa mga demonyo,

Gipadayag 19:20

Ug nadakpan ang bangis nga mananap, ug uban kaniya nadakpan ang mini nga propeta nga mao ang naghimo sa mga milagro diha sa iyang atubangan, nga pinaagi niini gipahisalaag niya ang mga nakadawat sa patik sa mapintas nga mananap ug ang mga nagsimba sa iyang larawan. Kining duha gitambog nga buhi ngadto sa linaw nga kalayo nga nagdilaab sa asupri.