Daniel 8:22

Ang Biblia 2011

Ug mahitungod sa sungay nga naputol, sa dapit diin may lain pang upat nga mitungha, upat ka gingharian ang motungha gikan sa iyang nasod, apan dili sa iyang gahom.

Cross References

Daniel 11:4

Ug sa diha nga mobarog na siya, ang iyang gingharian mabungkag ug mabahin paingon sa upat ka hangin sa langit, apan dili sa iyang kaliwatan o sumala sa iyang paghari nga niini siya nagmando, kay ang iyang gingharian ibton ug maadto sa lain gawas niini.

Daniel 7:6

Human niini, ako mitan-aw ug nakita nako ang lain nga sama sa usa ka leopardo, nga adunay upat ka pako sa langgam sa likod niini, ug ang mananap adunay upat usab ka ulo ug ang paggahom gihatag kaniya.

Daniel 7:7

Human niini, nakita nako diha sa mga panan-awon sa pagkagabii nga dihay ikaupat nga mananap, makalilisang ug bangis ug hilabihan ka kusgan, ug kini may dagkong mga ngipon nga puthaw. Kini milamoy ug mikuniskunis ug miyatak sa salin pinaagi sa iyang mga tiil. Kini lahi sa tanang mananap nga una kaniya, ug kini adunay napulo ka sungay.

Daniel 8:21

Ang laking kanding mao ang hari sa Gresya ug ang dakong sungay nga anaa sa taliwala sa duha niya ka mata mao ang unang hari.

Daniel 8:23

Sa ulahing panahon sa ilang paghari, sa diha nga ang mga malapason moabot na sa hingpit nga sukod, ang usa ka hari nga isog ug panagway, siya nga makasabot ug mga tigmo mobarog.

Daniel 8:3

Unya giyahat nako ang akong mga mata ug nakita nako nga dihay laking karnero nga nagtindog daplin sa suba. Kini adunay duha ka sungay, ug ang duha ka sungay tag-as, apan ang usa taas kay sa usa, ug ang taas ulahi nga mitungha.

Daniel 8:8

Unya ang laking kanding nagpagarbo pag-ayo sa iyang kaugalingon, apan sa diha nga nakusgan na siya, ang dakong sungay nabali, ug puli niini migula ang upat ka dayag nga sungay paingon sa upat ka hangin sa langit.

Zacarias 6:1

Ug giyahat nako pag-usab ang akong mga mata, ug nakita nako ang upat ka karwahi nga migula gikan sa taliwala sa duha ka bukid, mga bukid nga bronsi.